פסוקים על The Afflictions of the Wicked

95 פסוקים · 20 היבטים

פסוקי מפתח

שְׁמֹות ט׳:י״ד
כי בפעם הזאת אני שלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃
שְׁמֹות ט׳:ט״ו
כי עתה שלחתי את ידי ואך אותך ואת עמך בדבר ותכחד מן הארץ׃
שְׁמֹות ט׳:ל׳
ואתה ועבדיך ידעתי כי טרם תיראון מפני יהוה אלהים׃
שְׁמֹות י״ד:ד׳
וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן׃
שְׁמֹות י״ד:כ״ד
ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃
שְׁמֹות י״ד:כ״ה
ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃
דְּבָרִים ל׳:ז׳
ונתן יהוה אלהיך את כל האלות האלה על איביך ועל שנאיך אשר רדפוך׃
דְּבָרִים ל״א:י״ז
וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה׃
1 מְלָכִים כ״א:כ״ז
ויהי כשמע אחאב את הדברים האלה ויקרע בגדיו וישם שק על בשרו ויצום וישכב בשק ויהלך אט׃
2 מְלָכִים א׳:א׳
¶ ויפשע מואב בישראל אחרי מות אחאב׃
2 מְלָכִים א׳:ב׳
ויפל אחזיה בעד השבכה בעליתו אשר בשמרון ויחל וישלח מלאכים ויאמר אלהם לכו דרשו בבעל זבוב אלהי עקרון אם אחיה מחלי זה׃
2 מְלָכִים א׳:ג׳
ומלאך יהוה דבר אל אליה התשבי קום עלה לקראת מלאכי מלך שמרון ודבר אלהם המבלי אין אלהים בישראל אתם הלכים לדרש בבעל זבוב אלהי עקרון׃
2 מְלָכִים א׳:ד׳
ולכן כה אמר יהוה המטה אשר עלית שם לא תרד ממנה כי מות תמות וילך אליה׃
2 מְלָכִים ה׳:כ״ז
וצרעת נעמן תדבק בך ובזרעך לעולם ויצא מלפניו מצרע כשלג׃
2 דִּבְרֵי הַיָּמִים כ״א:י״ב
ויבא אליו מכתב מאליהו הנביא לאמר כה אמר יהוה אלהי דויד אביך תחת אשר לא הלכת בדרכי יהושפט אביך ובדרכי אסא מלך יהודה׃
2 דִּבְרֵי הַיָּמִים כ״א:י״ג
ותלך בדרך מלכי ישראל ותזנה את יהודה ואת ישבי ירושלם כהזנות בית אחאב וגם את אחיך בית אביך הטובים ממך הרגת׃
2 דִּבְרֵי הַיָּמִים כ״א:י״ד
הנה יהוה נגף מגפה גדולה בעמך ובבניך ובנשיך ובכל רכושך׃
2 דִּבְרֵי הַיָּמִים כ״א:ט״ו
ואתה בחליים רבים במחלה מעיך עד יצאו מעיך מן החלי ימים על ימים׃
2 דִּבְרֵי הַיָּמִים כ״א:ט״ז
ויער יהוה על יהורם את רוח הפלשתים והערבים אשר על יד כושים׃
2 דִּבְרֵי הַיָּמִים כ״א:י״ז
ויעלו ביהודה ויבקעוה וישבו את כל הרכוש הנמצא לבית המלך וגם בניו ונשיו ולא נשאר לו בן כי אם יהואחז קטן בניו׃
2 דִּבְרֵי הַיָּמִים כ״א:י״ח
ואחרי כל זאת נגפו יהוה במעיו לחלי לאין מרפא׃
2 דִּבְרֵי הַיָּמִים כ״א:י״ט
ויהי לימים מימים וכעת צאת הקץ לימים שנים יצאו מעיו עם חליו וימת בתחלאים רעים ולא עשו לו עמו שרפה כשרפת אבתיו׃
2 דִּבְרֵי הַיָּמִים כ״ו:י״ט
ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת׃
2 דִּבְרֵי הַיָּמִים כ״ו:כ׳
ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה׃
2 דִּבְרֵי הַיָּמִים כ״ו:כ״א
ויהי עזיהו המלך מצרע עד יום מותו וישב בית החפשות מצרע כי נגזר מבית יהוה ויותם בנו על בית המלך שופט את עם הארץ׃

מציג 1–25 מתוך 95 פסוקים

1 2 3 4 הבא