פסוקים על Temptation

ואתם לא בזיתם את נסיוני אשר נסיתי בבשרי ולא געלתם אתו כי אם קבלתם אתי כמלאך אלהים כמשיח ישוע׃

כי הבשר מתאוה הפך מן הרוח והרוח הפך מן הבשר ושניהם מתקוממים זה לזה עד שלא תוכלו לעשות את אשר תחפצו׃

¶ אחי גם כי יתפש איש מכם בעברה אתם אנשי הרוח תקימהו ברוח ענוה והשמר לנפשך פן תבא לידי נסיון גם אתה׃

גם לא תתנו מקום לשטן׃

לבשו כלי נשק אלהים למען תוכלו עמד נגד נכלי השטן׃

על כן אחזו בכלי נשק אלהים למען תוכלו לקום ביום הרע ולמלא צבאכם ולעמוד׃

עמדו נא חגורי מתנים באמת ומלבשים בשריון הצדק׃

ורגליכם מנעלות להיותכם מוכנים לבשורת השלום׃

ועל כל אלה תפשו את מגן האמונה אשר תוכלו לכבות בו את חצי הרשע הבערים׃

וקחו את כובע הישועה וחרב הרוח שהיא דבר האלהים׃

ובעבור כן לא יכלתי עוד להתאפק ואשלח לדעת אמונתכם כי אמרתי פן נסה אתכם המנסה והיתה לריק יגיעתנו׃

כי יש מהן אשר כבר סרו אחרי השטן׃

אבל המבקשים להעשיר יפלו בנסיון ובמוקשים וברב תאות סבלות ומשחיתות המשקיעות את האדם בשחת ובאבדון׃

כי שרש כל הרעות אהבת הכסף ויש אשר ערגו לו ויסורו מן האמונה ויעציבו את נפשם במכאבים רבים׃

ואנשים רעים וקסמים יוסיפו סרה מתעים ונתעים׃

כי באשר הוא בעצמו ענה ונתנסה יכל לעזר את המנסים׃

כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃

התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

עדין לא עמדתם עד לדם במלחמתכם עם החטא׃

אך לשמחה חשבו לכם אחי כאשר תבאו בנסינות שונים׃

בדעתכם כי בחן אמונתכם מביא לידי סבלנות׃

והסבלנות שלמה תהיה בפעלה להיותכם שלמים ותמימים ולא תחסרו כל דבר׃

אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

אל יאמר המנסה האלהים נסני כי האלהים איננו מנסה ברע והוא לא ינסה איש׃

כי אם ינסה כל איש בתאות נפשו אשר תסיתהו ותפתהו׃