פסוקים על Tabernacle

465 פסוקים · 94 היבטים

פסוקי מפתח

סינון לפי ספר
  1. שְׁמֹות כ״ג:י״ז

    שלש פעמים בשנה יראה כל זכורך אל פני האדן יהוה׃

  2. שְׁמֹות כ״ה:א׳

    ¶ וידבר יהוה אל משה לאמר׃

  3. שְׁמֹות כ״ה:ב׳

    דבר אל בני ישראל ויקחו לי תרומה מאת כל איש אשר ידבנו לבו תקחו את תרומתי׃

  4. שְׁמֹות כ״ה:ג׳

    וזאת התרומה אשר תקחו מאתם זהב וכסף ונחשת׃

  5. שְׁמֹות כ״ה:ד׳

    ותכלת וארגמן ותולעת שני ושש ועזים׃

  6. שְׁמֹות כ״ה:ה׳

    וערת אילם מאדמים וערת תחשים ועצי שטים׃

  7. שְׁמֹות כ״ה:ו׳

    שמן למאר בשמים לשמן המשחה ולקטרת הסמים׃

  8. שְׁמֹות כ״ה:ז׳

    אבני שהם ואבני מלאים לאפד ולחשן׃

  9. שְׁמֹות כ״ה:ח׳

    ועשו לי מקדש ושכנתי בתוכם׃

  10. שְׁמֹות כ״ה:ט׳

    ככל אשר אני מראה אותך את תבנית המשכן ואת תבנית כל כליו וכן תעשו׃

  11. שְׁמֹות כ״ה:כ״ב

    ונועדתי לך שם ודברתי אתך מעל הכפרת מבין שני הכרבים אשר על ארן העדת את כל אשר אצוה אותך אל בני ישראל׃

  12. שְׁמֹות כ״ו:א׳

    ¶ ואת המשכן תעשה עשר יריעת שש משזר ותכלת וארגמן ותלעת שני כרבים מעשה חשב תעשה אתם׃

  13. שְׁמֹות כ״ו:ב׳

    ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעת׃

  14. שְׁמֹות כ״ו:ג׳

    חמש היריעת תהיין חברת אשה אל אחתה וחמש יריעת חברת אשה אל אחתה׃

  15. שְׁמֹות כ״ו:ד׳

    ועשית ללאת תכלת על שפת היריעה האחת מקצה בחברת וכן תעשה בשפת היריעה הקיצונה במחברת השנית׃

  16. שְׁמֹות כ״ו:ה׳

    חמשים ללאת תעשה ביריעה האחת וחמשים ללאת תעשה בקצה היריעה אשר במחברת השנית מקבילת הללאת אשה אל אחתה׃

  17. שְׁמֹות כ״ו:ו׳

    ועשית חמשים קרסי זהב וחברת את היריעת אשה אל אחתה בקרסים והיה המשכן אחד׃

  18. שְׁמֹות כ״ו:ז׳

    ועשית יריעת עזים לאהל על המשכן עשתי עשרה יריעת תעשה אתם׃

  19. שְׁמֹות כ״ו:ח׳

    ארך היריעה האחת שלשים באמה ורחב ארבע באמה היריעה האחת מדה אחת לעשתי עשרה יריעת׃

  20. שְׁמֹות כ״ו:ט׳

    וחברת את חמש היריעת לבד ואת שש היריעת לבד וכפלת את היריעה הששית אל מול פני האהל׃

  21. שְׁמֹות כ״ו:י׳

    ועשית חמשים ללאת על שפת היריעה האחת הקיצנה בחברת וחמשים ללאת על שפת היריעה החברת השנית׃

  22. שְׁמֹות כ״ו:י״א

    ועשית קרסי נחשת חמשים והבאת את הקרסים בללאת וחברת את האהל והיה אחד׃

  23. שְׁמֹות כ״ו:י״ב

    וסרח העדף ביריעת האהל חצי היריעה העדפת תסרח על אחרי המשכן׃

  24. שְׁמֹות כ״ו:י״ג

    והאמה מזה והאמה מזה בעדף בארך יריעת האהל יהיה סרוח על צדי המשכן מזה ומזה לכסתו׃

  25. שְׁמֹות כ״ו:י״ד

    ועשית מכסה לאהל ערת אילם מאדמים ומכסה ערת תחשים מלמעלה׃