פסוקים על Tabernacle

465 פסוקים · 94 היבטים

פסוקי מפתח

סינון לפי ספר
  1. שְׁמֹות כ״ז:י״ב

    ורחב החצר לפאת ים קלעים חמשים אמה עמדיהם עשרה ואדניהם עשרה׃

  2. שְׁמֹות כ״ז:י״ג

    ורחב החצר לפאת קדמה מזרחה חמשים אמה׃

  3. שְׁמֹות כ״ז:י״ד

    וחמש עשרה אמה קלעים לכתף עמדיהם שלשה ואדניהם שלשה׃

  4. שְׁמֹות כ״ז:ט״ו

    ולכתף השנית חמש עשרה קלעים עמדיהם שלשה ואדניהם שלשה׃

  5. שְׁמֹות כ״ז:ט״ז

    ולשער החצר מסך עשרים אמה תכלת וארגמן ותולעת שני ושש משזר מעשה רקם עמדיהם ארבעה ואדניהם ארבעה׃

  6. שְׁמֹות כ״ז:י״ז

    כל עמודי החצר סביב מחשקים כסף וויהם כסף ואדניהם נחשת׃

  7. שְׁמֹות כ״ז:י״ח

    ארך החצר מאה באמה ורחב חמשים בחמשים וקמה חמש אמות שש משזר ואדניהם נחשת׃

  8. שְׁמֹות כ״ז:י״ט

    לכל כלי המשכן בכל עבדתו וכל יתדתיו וכל יתדת החצר נחשת׃

  9. שְׁמֹות כ״ז:כ״א

    באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃

  10. שְׁמֹות כ״ט:מ״ב

    עלת תמיד לדרתיכם פתח אהל מועד לפני יהוה אשר אועד לכם שמה לדבר אליך שם׃

  11. שְׁמֹות כ״ט:מ״ג

    ונעדתי שמה לבני ישראל ונקדש בכבדי׃

  12. שְׁמֹות ל׳:י״א

    וידבר יהוה אל משה לאמר׃

  13. שְׁמֹות ל׳:י״ב

    כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם׃

  14. שְׁמֹות ל׳:י״ג

    זה יתנו כל העבר על הפקדים מחצית השקל בשקל הקדש עשרים גרה השקל מחצית השקל תרומה ליהוה׃

  15. שְׁמֹות ל׳:י״ד

    כל העבר על הפקדים מבן עשרים שנה ומעלה יתן תרומת יהוה׃

  16. שְׁמֹות ל׳:ט״ו

    העשיר לא ירבה והדל לא ימעיט ממחצית השקל לתת את תרומת יהוה לכפר על נפשתיכם׃

  17. שְׁמֹות ל׳:ט״ז

    ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם׃

  18. שְׁמֹות ל׳:כ״ה

    ועשית אתו שמן משחת קדש רקח מרקחת מעשה רקח שמן משחת קדש יהיה׃

  19. שְׁמֹות ל׳:כ״ו

    ומשחת בו את אהל מועד ואת ארון העדת׃

  20. שְׁמֹות ל״א:א׳

    ¶ וידבר יהוה אל משה לאמר׃

  21. שְׁמֹות ל״א:ב׳

    ראה קראתי בשם בצלאל בן אורי בן חור למטה יהודה׃

  22. שְׁמֹות ל״א:ג׳

    ואמלא אתו רוח אלהים בחכמה ובתבונה ובדעת ובכל מלאכה׃

  23. שְׁמֹות ל״א:ד׳

    לחשב מחשבת לעשות בזהב ובכסף ובנחשת׃

  24. שְׁמֹות ל״א:ה׳

    ובחרשת אבן למלאת ובחרשת עץ לעשות בכל מלאכה׃

  25. שְׁמֹות ל״א:ו׳

    ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃