עברית

פסוקים על Tabernacle: Surrounded by curtains of fine line suspended from pillars in sockets of brass

15 פסוקים · 94 היבטים

פסוקים על Surrounded by curtains of fine line suspended from pillars in sockets of brass

  1. שְׁמֹות כ״ז:ט׳

    ועשית את חצר המשכן לפאת נגב תימנה קלעים לחצר שש משזר מאה באמה ארך לפאה האחת׃

  2. שְׁמֹות כ״ז:י׳

    ועמדיו עשרים ואדניהם עשרים נחשת ווי העמדים וחשקיהם כסף׃

  3. שְׁמֹות כ״ז:י״א

    וכן לפאת צפון בארך קלעים מאה ארך ועמדו עשרים ואדניהם עשרים נחשת ווי העמדים וחשקיהם כסף׃

  4. שְׁמֹות כ״ז:י״ב

    ורחב החצר לפאת ים קלעים חמשים אמה עמדיהם עשרה ואדניהם עשרה׃

  5. שְׁמֹות כ״ז:י״ג

    ורחב החצר לפאת קדמה מזרחה חמשים אמה׃

  6. שְׁמֹות כ״ז:י״ד

    וחמש עשרה אמה קלעים לכתף עמדיהם שלשה ואדניהם שלשה׃

  7. שְׁמֹות כ״ז:ט״ו

    ולכתף השנית חמש עשרה קלעים עמדיהם שלשה ואדניהם שלשה׃

  8. שְׁמֹות ל״ח:ט׳

    ויעש את החצר לפאת נגב תימנה קלעי החצר שש משזר מאה באמה׃

  9. שְׁמֹות ל״ח:י׳

    עמודיהם עשרים ואדניהם עשרים נחשת ווי העמדים וחשקיהם כסף׃

  10. שְׁמֹות ל״ח:י״א

    ולפאת צפון מאה באמה עמודיהם עשרים ואדניהם עשרים נחשת ווי העמודים וחשקיהם כסף׃

  11. שְׁמֹות ל״ח:י״ב

    ולפאת ים קלעים חמשים באמה עמודיהם עשרה ואדניהם עשרה ווי העמדים וחשוקיהם כסף׃

  12. שְׁמֹות ל״ח:י״ג

    ולפאת קדמה מזרחה חמשים אמה׃

  13. שְׁמֹות ל״ח:י״ד

    קלעים חמש עשרה אמה אל הכתף עמודיהם שלשה ואדניהם שלשה׃

  14. שְׁמֹות ל״ח:ט״ו

    ולכתף השנית מזה ומזה לשער החצר קלעים חמש עשרה אמה עמדיהם שלשה ואדניהם שלשה׃

  15. שְׁמֹות ל״ח:ט״ז

    כל קלעי החצר סביב שש משזר׃