פסוקים על Tabernacle: Free-will offerings made at the first rearing of

¶ ויהי ביום כלות משה להקים את המשכן וימשח אתו ויקדש אתו ואת כל כליו ואת המזבח ואת כל כליו וימשחם ויקדש אתם׃

ויקריבו נשיאי ישראל ראשי בית אבתם הם נשיאי המטת הם העמדים על הפקדים׃

ויביאו את קרבנם לפני יהוה שש עגלת צב ושני עשר בקר עגלה על שני הנשאים ושור לאחד ויקריבו אותם לפני המשכן׃

ויאמר יהוה אל משה לאמר׃

קח מאתם והיו לעבד את עבדת אהל מועד ונתתה אותם אל הלוים איש כפי עבדתו׃

ויקח משה את העגלת ואת הבקר ויתן אותם אל הלוים׃

את שתי העגלת ואת ארבעת הבקר נתן לבני גרשון כפי עבדתם׃

ואת ארבע העגלת ואת שמנת הבקר נתן לבני מררי כפי עבדתם ביד איתמר בן אהרן הכהן׃

ולבני קהת לא נתן כי עבדת הקדש עלהם בכתף ישאו׃