פסוקים על Sacrifices

ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשים אלף ונסכיהם וזבחים לרב לכל ישראל׃

והמלך שלמה וכל עדת ישראל הנועדים עליו לפני הארון מזבחים צאן ובקר אשר לא יספרו ולא ימנו מרב׃

¶ וככלות שלמה להתפלל והאש ירדה מהשמים ותאכל העלה והזבחים וכבוד יהוה מלא את הבית׃

ויזבח המלך שלמה את זבח הבקר עשרים ושנים אלף וצאן מאה ועשרים אלף ויחנכו את בית האלהים המלך וכל העם׃

וירא יהוה אל שלמה בלילה ויאמר לו שמעתי את תפלתך ובחרתי במקום הזה לי לבית זבח׃

ומנת המלך מן רכושו לעלות לעלות הבקר והערב והעלות לשבתות ולחדשים ולמעדים ככתוב בתורת יהוה׃

תחת אשר עזבוני ויקטירו לאלהים אחרים למען הכעיסני בכל מעשי ידיהם ותתך חמתי במקום הזה ולא תכבה׃

ויהי כי הקיפו ימי המשתה וישלח איוב ויקדשם והשכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשה איוב כל הימים׃

זבחו זבחי צדק ובטחו אל יהוה׃

ועתה ירום ראשי על איבי סביבותי ואזבחה באהלו זבחי תרועה אשירה ואזמרה ליהוה׃

זבח ומנחה לא חפצת אזנים כרית לי עולה וחטאה לא שאלת׃

אספו לי חסידי כרתי בריתי עלי זבח׃

זבחי אלהים רוח נשברה לב נשבר ונדכה אלהים לא תבזה׃

אז תחפץ זבחי צדק עולה וכליל אז יעלו על מזבחך פרים׃

עלות מחים אעלה לך עם קטרת אילים אעשה בקר עם עתודים סלה׃

ויזבחו את בניהם ואת בנותיהם לשדים׃

ויזבחו זבחי תודה ויספרו מעשיו ברנה׃

לך אזבח זבח תודה ובשם יהוה אקרא׃

אל יהוה ויאר לנו אסרו חג בעבתים עד קרנות המזבח׃

תכון תפלתי קטרת לפניך משאת כפי מנחת ערב׃

עשה צדקה ומשפט נבחר ליהוה מזבח׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

לא הביאת לי שה עלתיך וזבחיך לא כבדתני לא העבדתיך במנחה ולא הוגעתיך בלבונה׃

לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך׃