פסוקים על Sacrifices: For the whole nation

17 פסוקים · 55 היבטים

פסוקים על For the whole nation

  1. וַיִּקְרָא ט״ז:ט״ו

    ושחט את שעיר החטאת אשר לעם והביא את דמו אל מבית לפרכת ועשה את דמו כאשר עשה לדם הפר והזה אתו על הכפרת ולפני הכפרת׃

  2. וַיִּקְרָא ט״ז:ט״ז

    וכפר על הקדש מטמאת בני ישראל ומפשעיהם לכל חטאתם וכן יעשה לאהל מועד השכן אתם בתוך טמאתם׃

  3. וַיִּקְרָא ט״ז:י״ז

    וכל אדם לא יהיה באהל מועד בבאו לכפר בקדש עד צאתו וכפר בעדו ובעד ביתו ובעד כל קהל ישראל׃

  4. וַיִּקְרָא ט״ז:י״ח

    ויצא אל המזבח אשר לפני יהוה וכפר עליו ולקח מדם הפר ומדם השעיר ונתן על קרנות המזבח סביב׃

  5. וַיִּקְרָא ט״ז:י״ט

    והזה עליו מן הדם באצבעו שבע פעמים וטהרו וקדשו מטמאת בני ישראל׃

  6. וַיִּקְרָא ט״ז:כ׳

    וכלה מכפר את הקדש ואת אהל מועד ואת המזבח והקריב את השעיר החי׃

  7. וַיִּקְרָא ט״ז:כ״א

    וסמך אהרן את שתי ידו על ראש השעיר החי והתודה עליו את כל עונת בני ישראל ואת כל פשעיהם לכל חטאתם ונתן אתם על ראש השעיר ושלח ביד איש עתי המדברה׃

  8. וַיִּקְרָא ט״ז:כ״ב

    ונשא השעיר עליו את כל עונתם אל ארץ גזרה ושלח את השעיר במדבר׃

  9. וַיִּקְרָא ט״ז:כ״ג

    ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  10. וַיִּקְרָא ט״ז:כ״ד

    ורחץ את בשרו במים במקום קדוש ולבש את בגדיו ויצא ועשה את עלתו ואת עלת העם וכפר בעדו ובעד העם׃

  11. וַיִּקְרָא ט״ז:כ״ה

    ואת חלב החטאת יקטיר המזבחה׃

  12. וַיִּקְרָא ט״ז:כ״ו

    והמשלח את השעיר לעזאזל יכבס בגדיו ורחץ את בשרו במים ואחרי כן יבוא אל המחנה׃

  13. וַיִּקְרָא ט״ז:כ״ז

    ואת פר החטאת ואת שעיר החטאת אשר הובא את דמם לכפר בקדש יוציא אל מחוץ למחנה ושרפו באש את ערתם ואת בשרם ואת פרשם׃

  14. וַיִּקְרָא ט״ז:כ״ח

    והשרף אתם יכבס בגדיו ורחץ את בשרו במים ואחרי כן יבוא אל המחנה׃

  15. וַיִּקְרָא ט״ז:כ״ט

    והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם׃

  16. וַיִּקְרָא ט״ז:ל׳

    כי ביום הזה יכפר עליכם לטהר אתכם מכל חטאתיכם לפני יהוה תטהרו׃

  17. 1 דִּבְרֵי הַיָּמִים כ״ט:כ״א

    ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשים אלף ונסכיהם וזבחים לרב לכל ישראל׃