פסוקים על Rocks

בחסר ובכפן גלמוד הערקים ציה אמש שואה ומשאה׃

בערוץ נחלים לשכן חרי עפר וכפים׃

¶ הידעת עת לדת יעלי סלע חלל אילות תשמר׃

סלע ישכן ויתלנן על שן סלע ומצודה׃

¶ למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

כי יצפנני בסכה ביום רעה יסתרני בסתר אהלו בצור ירוממני׃

הטה אלי אזנך מהרה הצילני היה לי לצור מעוז לבית מצודות להושיעני׃

כי סלעי ומצודתי אתה ולמען שמך תנחני ותנהלני׃

ויעלני מבור שאון מטיט היון ויקם על סלע רגלי כונן אשרי׃

לדעת בארץ דרכך בכל גוים ישועתך׃

ויאכילהו מחלב חטה ומצור דבש אשביעך׃

הוא יקראני אבי אתה אלי וצור ישועתי׃

ויהי יהוה לי למשגב ואלהי לצור מחסי׃

¶ לכו נרננה ליהוה נריעה לצור ישענו׃

הרים הגבהים ליעלים סלעים מחסה לשפנים׃

שפנים עם לא עצום וישימו בסלע ביתם׃

יונתי בחגוי הסלע בסתר המדרגה הראיני את מראיך השמיעיני את קולך כי קולך ערב ומראיך נאוה׃

ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

ועורר עליו יהוה צבאות שוט כמכת מדין בצור עורב ומטהו על הים ונשאו בדרך מצרים׃

כי שכחת אלהי ישעך וצור מעזך לא זכרת על כן תטעי נטעי נעמנים וזמרת זר תזרענו׃

מה לך פה ומי לך פה כי חצבת לך פה קבר חצבי מרום קברו חקקי בסלע משכן לו׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

הוא מרומים ישכן מצדות סלעים משגבו לחמו נתן מימיו נאמנים׃