פסוקים על Religious Zeal

726 פסוקים · 5 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים כ״ו:י״ח

    לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

  2. מַעֲשֵׂי הַשְּׁלִיחִים כ״ו:י״ט

    על כן המלך אגרפס לא המריתי את המראה אשר ראיתי מן השמים׃

  3. מַעֲשֵׂי הַשְּׁלִיחִים כ״ו:כ׳

    כי אם קראתי ראשונה לישבי דמשק וירושלים ובכל ארץ יהודה וגם לגוים כי ינחמו וישובו אל האלהים ויעשו מעשים ראוים לתשובה׃

  4. מַעֲשֵׂי הַשְּׁלִיחִים כ״ו:כ״א

    ובגלל הדבר הזה תפשו אתי היהודים במקדש ויבקשו להמיתני׃

  5. מַעֲשֵׂי הַשְּׁלִיחִים כ״ו:כ״ב

    והאלהים היה בעזרי ועד היום הזה עמד אני ומעיד לפני קטן וגדול ואינני מדבר דבר זולתי אשר דברו הנביאים ומשה כי עתידות הנה להיות׃

  6. מַעֲשֵׂי הַשְּׁלִיחִים כ״ו:כ״ג

    כי המשיח מענה הוא וכי ראשון הוא לקמים מן המתים להפיץ אור בעם ובגוים׃

  7. מַעֲשֵׂי הַשְּׁלִיחִים כ״ו:כ״ד

    ויהי הוא מצטדק כזאת ויען פסטוס בקול גדול לאמר הנך משתגע פולוס רב הלמוד הביאך לידי שגעון׃

  8. מַעֲשֵׂי הַשְּׁלִיחִים כ״ו:כ״ה

    ויאמר פולוס אינני משגע פסטוס האדיר כי אם דברי אמת וטעם אביע׃

  9. מַעֲשֵׂי הַשְּׁלִיחִים כ״ו:כ״ו

    כי המלך יודע את אלה ועל זאת גם בבטחון אני מדבר אליו יען אשר לא אאמין כי נעלם ממנו דבר מן הדברים האלה כי לא בקרן זוית נעשתה זאת׃

  10. מַעֲשֵׂי הַשְּׁלִיחִים כ״ו:כ״ז

    המלך אגרפס המאמין אתה בנביאים ידעתי כי מאמין אתה׃

  11. מַעֲשֵׂי הַשְּׁלִיחִים כ״ו:כ״ח

    ויאמר אגרפס אל פולוס עוד מעט ופתיתני להיות נצרי׃

  12. מַעֲשֵׂי הַשְּׁלִיחִים כ״ו:כ״ט

    ויאמר פולוס אבקשה מאלהים אשר אם במעט ואם בהרבה לא אתה לבדך כי גם כל השמעים אותי יהיו כמוני זולתי המוסרות האלה׃

  13. מַעֲשֵׂי הַשְּׁלִיחִים כ״ח:כ״ג

    וישימו לו יום מועד ויבאו אליו רבים אל מלונו ויעד בהם ויבאר את מלכות אלהים ויוכח להם עניני ישוע מתורת משה ומן הנביאים מבקר עד ערב׃

  14. מַעֲשֵׂי הַשְּׁלִיחִים כ״ח:כ״ד

    ויש אשר שמעו אל דבריו ויש אשר לא האמינו׃

  15. מַעֲשֵׂי הַשְּׁלִיחִים כ״ח:כ״ה

    ויחלקו בדעתם ויסורו ללכת לדרכם בדבר פולוס הדבר האחד הזה היטב דבר רוח הקדש לאבותינו בפי ישעיהו הנביא לאמר׃

  16. מַעֲשֵׂי הַשְּׁלִיחִים כ״ח:כ״ו

    לך ואמרת לעם הזה שמעו שמוע ואל תבינו וראו ראו ואל תדעו׃

  17. מַעֲשֵׂי הַשְּׁלִיחִים כ״ח:כ״ז

    כי שמן לב העם הזה ואזניו כבדו ואת עיניו השע פן יראה בעיניו ובאזניו ישמע ולבבו יבין ושב ורפאתיו׃

  18. מַעֲשֵׂי הַשְּׁלִיחִים כ״ח:כ״ח

    לכן דעו כי לגוים נשלחה תשועת אלהים והמה ישמעו׃

  19. מַעֲשֵׂי הַשְּׁלִיחִים כ״ח:ל׳

    ופולוס ישב שנתים ימים בביתו אשר שכר לו ויקבל את כל הבאים אליו׃

  20. מַעֲשֵׂי הַשְּׁלִיחִים כ״ח:ל״א

    ויקרא את מלכות האלהים וילמד את דרכי ישוע המשיח אדנינו בכל בטחון לבו ואין מנע׃

  21. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:א׳

    ¶ פולוס עבד ישוע המשיח מקרא להיות שליח ונבדל לבשורת אלהים׃

  22. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:ח׳

    בראשונה אודה לאלהי בישוע המשיח על כלכם אשר ספר אמונתכם בכל העולם׃

  23. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:ט׳

    כי האלהים אשר אני עבד אתו ברוחי בבשורת בנו לעד לי כי תמיד אני מזכיר אתכם׃

  24. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:י׳

    בהעתירי בתפלותי בכל עת למען אשר רק הפעם אצליח ברצון אלהים לבוא אליכם׃

  25. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:י״א

    כי נכסף נכספתי לראותכם ולחלק לכם אי זו מתת רוח למען תתחזקי׃