פסוקים על Rain

116 פסוקים · 65 היבטים

פסוקי מפתח

סינון לפי ספר
  1. תְהִלִּים ק״ד:ח׳

    יעלו הרים ירדו בקעות אל מקום זה יסדת להם׃

  2. תְהִלִּים קל״ה:ז׳

    מעלה נשאים מקצה הארץ ברקים למטר עשה מוצא רוח מאוצרותיו׃

  3. תְהִלִּים קמ״ז:ז׳

    ענו ליהוה בתודה זמרו לאלהינו בכנור׃

  4. תְהִלִּים קמ״ז:ח׳

    המכסה שמים בעבים המכין לארץ מטר המצמיח הרים חציר׃

  5. מִשְׁלֵי כ״ה:כ״ג

    רוח צפון תחולל גשם ופנים נזעמים לשון סתר׃

  6. מִשְׁלֵי כ״ו:א׳

    ¶ כשלג בקיץ וכמטר בקציר כן לא נאוה לכסיל כבוד׃

  7. מִשְׁלֵי כ״ח:ג׳

    גבר רש ועשק דלים מטר סחף ואין לחם׃

  8. קֹהֶלֶת י״א:ג׳

    אם ימלאו העבים גשם על הארץ יריקו ואם יפול עץ בדרום ואם בצפון מקום שיפול העץ שם יהוא׃

  9. יְשַׁעְיָהוּ ד׳:ו׳

    וסכה תהיה לצל יומם מחרב ולמחסה ולמסתור מזרם וממטר׃

  10. יְשַׁעְיָהוּ י״ח:ד׳

    כי כה אמר יהוה אלי אשקוטה ואביטה במכוני כחם צח עלי אור כעב טל בחם קציר׃

  11. יְשַׁעְיָהוּ כ״ח:כ״א

    כי כהר פרצים יקום יהוה כעמק בגבעון ירגז לעשות מעשהו זר מעשהו ולעבד עבדתו נכריה עבדתו׃

  12. יְשַׁעְיָהוּ ל׳:כ״ג

    ונתן מטר זרעך אשר תזרע את האדמה ולחם תבואת האדמה והיה דשן ושמן ירעה מקניך ביום ההוא כר נרחב׃

  13. יְשַׁעְיָהוּ נ״ה:י׳

    כי כאשר ירד הגשם והשלג מן השמים ושמה לא ישוב כי אם הרוה את הארץ והולידה והצמיחה ונתן זרע לזרע ולחם לאכל׃

  14. יְשַׁעְיָהוּ נ״ה:י״א

    כן יהיה דברי אשר יצא מפי לא ישוב אלי ריקם כי אם עשה את אשר חפצתי והצליח אשר שלחתיו׃

  15. יִרְמְיָהוּ ג׳:ג׳

    וימנעו רבבים ומלקוש לוא היה ומצח אשה זונה היה לך מאנת הכלם׃

  16. יִרְמְיָהוּ ה׳:כ״ד

    ולא אמרו בלבבם נירא נא את יהוה אלהינו הנתן גשם וירה ומלקוש בעתו שבעות חקות קציר ישמר לנו׃

  17. יִרְמְיָהוּ ה׳:כ״ה

    עונותיכם הטו אלה וחטאותיכם מנעו הטוב מכם׃

  18. יִרְמְיָהוּ י״ד:ד׳

    בעבור האדמה חתה כי לא היה גשם בארץ בשו אכרים חפו ראשם׃

  19. יִרְמְיָהוּ י״ד:כ״ב

    היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה׃

  20. יְחֶזְקֵאל א׳:כ״ח

    כמראה הקשת אשר יהיה בענן ביום הגשם כן מראה הנגה סביב הוא מראה דמות כבוד יהוה ואראה ואפל על פני ואשמע קול מדבר׃

  21. יְחֶזְקֵאל י״ג:י״ג

    לכן כה אמר אדני יהוה ובקעתי רוח סערות בחמתי וגשם שטף באפי יהיה ואבני אלגביש בחמה לכלה׃

  22. יְחֶזְקֵאל י״ג:י״ד

    והרסתי את הקיר אשר טחתם תפל והגעתיהו אל הארץ ונגלה יסדו ונפלה וכליתם בתוכה וידעתם כי אני יהוה׃

  23. יְחֶזְקֵאל י״ג:ט״ו

    וכליתי את חמתי בקיר ובטחים אתו תפל ואמר לכם אין הקיר ואין הטחים אתו׃

  24. יְחֶזְקֵאל ל״ד:כ״ו

    ונתתי אותם וסביבות גבעתי ברכה והורדתי הגשם בעתו גשמי ברכה יהיו׃

  25. יְחֶזְקֵאל ל״ד:כ״ז

    ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם׃