פסוקים על Rain

116 פסוקים · 65 היבטים

פסוקי מפתח

סינון לפי ספר
  1. שְׁמֹות ט׳:כ״ג

    ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃

  2. שְׁמֹות ט׳:כ״ד

    ויהי ברד ואש מתלקחת בתוך הברד כבד מאד אשר לא היה כמהו בכל ארץ מצרים מאז היתה לגוי׃

  3. שְׁמֹות ט׳:כ״ה

    ויך הברד בכל ארץ מצרים את כל אשר בשדה מאדם ועד בהמה ואת כל עשב השדה הכה הברד ואת כל עץ השדה שבר׃

  4. שְׁמֹות ט׳:כ״ו

    רק בארץ גשן אשר שם בני ישראל לא היה ברד׃

  5. שְׁמֹות ט׳:ל״ג

    ויצא משה מעם פרעה את העיר ויפרש כפיו אל יהוה ויחדלו הקלות והברד ומטר לא נתך ארצה׃

  6. שְׁמֹות ט׳:ל״ד

    וירא פרעה כי חדל המטר והברד והקלת ויסף לחטא ויכבד לבו הוא ועבדיו׃

  7. וַיִּקְרָא כ״ו:ג׳

    אם בחקתי תלכו ואת מצותי תשמרו ועשיתם אתם׃

  8. וַיִּקְרָא כ״ו:ד׳

    ונתתי גשמיכם בעתם ונתנה הארץ יבולה ועץ השדה יתן פריו׃

  9. דְּבָרִים י״א:י׳

    כי הארץ אשר אתה בא שמה לרשתה לא כארץ מצרים הוא אשר יצאתם משם אשר תזרע את זרעך והשקית ברגלך כגן הירק׃

  10. דְּבָרִים י״א:י״א

    והארץ אשר אתם עברים שמה לרשתה ארץ הרים ובקעת למטר השמים תשתה מים׃

  11. דְּבָרִים י״א:י״ג

    והיה אם שמע תשמעו אל מצותי אשר אנכי מצוה אתכם היום לאהבה את יהוה אלהיכם ולעבדו בכל לבבכם ובכל נפשכם׃

  12. דְּבָרִים י״א:י״ד

    ונתתי מטר ארצכם בעתו יורה ומלקוש ואספת דגנך ותירשך ויצהרך׃

  13. דְּבָרִים י״א:י״ז

    וחרה אף יהוה בכם ועצר את השמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשר יהוה נתן לכם׃

  14. דְּבָרִים כ״ח:כ״ד

    יתן יהוה את מטר ארצך אבק ועפר מן השמים ירד עליך עד השמדך׃

  15. דְּבָרִים ל״ב:ב׳

    יערף כמטר לקחי תזל כטל אמרתי כשעירם עלי דשא וכרביבים עלי עשב׃

  16. 1 שְׁמוּאֵל י״ב:י״ז

    הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשר עשיתם בעיני יהוה לשאול לכם מלך׃

  17. 1 שְׁמוּאֵל י״ב:י״ח

    ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃

  18. 2 שְׁמוּאֵל ה׳:י״ז

    וישמעו פלשתים כי משחו את דוד למלך על ישראל ויעלו כל פלשתים לבקש את דוד וישמע דוד וירד אל המצודה׃

  19. 2 שְׁמוּאֵל ה׳:י״ח

    ופלשתים באו וינטשו בעמק רפאים׃

  20. 2 שְׁמוּאֵל ה׳:י״ט

    וישאל דוד ביהוה לאמר האעלה אל פלשתים התתנם בידי ויאמר יהוה אל דוד עלה כי נתן אתן את הפלשתים בידך׃

  21. 2 שְׁמוּאֵל ה׳:כ׳

    ויבא דוד בבעל פרצים ויכם שם דוד ויאמר פרץ יהוה את איבי לפני כפרץ מים על כן קרא שם המקום ההוא בעל פרצים׃

  22. 2 שְׁמוּאֵל ה׳:כ״א

    ויעזבו שם את עצביהם וישאם דוד ואנשיו׃

  23. 2 שְׁמוּאֵל כ״ג:ד׳

    וכאור בקר יזרח שמש בקר לא עבות מנגה ממטר דשא מארץ׃

  24. 1 מְלָכִים ח׳:ל״ה

    בהעצר שמים ולא יהיה מטר כי יחטאו לך והתפללו אל המקום הזה והודו את שמך ומחטאתם ישובון כי תענם׃

  25. 1 מְלָכִים ח׳:ל״ו

    ואתה תשמע השמים וסלחת לחטאת עבדיך ועמך ישראל כי תורם את הדרך הטובה אשר ילכו בה ונתתה מטר על ארצך אשר נתתה לעמך לנחלה׃