פסוקים על Psalms

896 פסוקים · 16 היבטים

פסוקי מפתח

סינון לפי ספר
  1. תְהִלִּים ק״נ:ו׳

    כל הנשמה תהלל יה הללו יה׃

  2. יְשַׁעְיָהוּ י״ב:א׳

    ¶ ואמרת ביום ההוא אודך יהוה כי אנפת בי ישב אפך ותנחמני׃

  3. יְשַׁעְיָהוּ י״ב:ב׳

    הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

  4. יְשַׁעְיָהוּ י״ב:ג׳

    ושאבתם מים בששון ממעיני הישועה׃

  5. יְשַׁעְיָהוּ י״ב:ד׳

    ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

  6. יְשַׁעְיָהוּ י״ב:ה׳

    זמרו יהוה כי גאות עשה מידעת זאת בכל הארץ׃

  7. יְשַׁעְיָהוּ י״ב:ו׳

    צהלי ורני יושבת ציון כי גדול בקרבך קדוש ישראל׃

  8. יְשַׁעְיָהוּ ל״ח:ט׳

    מכתב לחזקיהו מלך יהודה בחלתו ויחי מחליו׃

  9. יְשַׁעְיָהוּ ל״ח:י׳

    אני אמרתי בדמי ימי אלכה בשערי שאול פקדתי יתר שנותי׃

  10. יְשַׁעְיָהוּ ל״ח:י״א

    אמרתי לא אראה יה יה בארץ החיים לא אביט אדם עוד עם יושבי חדל׃

  11. יְשַׁעְיָהוּ ל״ח:י״ב

    דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

  12. יְשַׁעְיָהוּ ל״ח:י״ג

    שויתי עד בקר כארי כן ישבר כל עצמותי מיום עד לילה תשלימני׃

  13. יְשַׁעְיָהוּ ל״ח:י״ד

    כסוס עגור כן אצפצף אהגה כיונה דלו עיני למרום אדני עשקה לי ערבני׃

  14. יְשַׁעְיָהוּ ל״ח:ט״ו

    מה אדבר ואמר לי והוא עשה אדדה כל שנותי על מר נפשי׃

  15. יְשַׁעְיָהוּ ל״ח:ט״ז

    אדני עליהם יחיו ולכל בהן חיי רוחי ותחלימני והחיני׃

  16. יְשַׁעְיָהוּ ל״ח:י״ז

    הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

  17. יְשַׁעְיָהוּ ל״ח:י״ח

    כי לא שאול תודך מות יהללך לא ישברו יורדי בור אל אמתך׃

  18. יְשַׁעְיָהוּ ל״ח:י״ט

    חי חי הוא יודך כמוני היום אב לבנים יודיע אל אמתך׃

  19. יְשַׁעְיָהוּ ל״ח:כ׳

    יהוה להושיעני ונגנותי ננגן כל ימי חיינו על בית יהוה׃

  20. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ב

    ותקרא בקול גדול ותאמר ברוכה את בנשים וברוך פרי בטנך׃

  21. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ג

    ומאין לי זאת אשר אם אדני באה אלי׃

  22. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ד

    כי קול ברכתך בא באזני והנה רקד בשמחה הילד במעי׃

  23. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ה

    ואשרי המאמינה כי המלא תמלא אשר דבר לה מאת יהוה׃

  24. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ו

    ותאמר מרים רוממה נפשי את יהוה׃

  25. הבְּשׂוֹרָה הַקְּדוֹשָׁה עַל־פִּי לוּקָס א׳:מ״ז

    ותגל רוחי באלהי ישעי׃