פסוקים על Prophets

655 פסוקים · 128 היבטים

פסוקי מפתח

סינון לפי ספר
  1. יְחֶזְקֵאל כ״ד:י״א

    והעמידה על גחליה רקה למען תחם וחרה נחשתה ונתכה בתוכה טמאתה תתם חלאתה׃

  2. יְחֶזְקֵאל כ״ד:י״ב

    תאנים הלאת ולא תצא ממנה רבת חלאתה באש חלאתה׃

  3. יְחֶזְקֵאל כ״ד:י״ג

    בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי בך׃

  4. יְחֶזְקֵאל כ״ד:י״ד

    אני יהוה דברתי באה ועשיתי לא אפרע ולא אחוס ולא אנחם כדרכיך וכעלילותיך שפטוך נאם אדני יהוה׃

  5. יְחֶזְקֵאל כ״ד:ט״ו

    ויהי דבר יהוה אלי לאמר׃

  6. יְחֶזְקֵאל כ״ד:ט״ז

    בן אדם הנני לקח ממך את מחמד עיניך במגפה ולא תספד ולא תבכה ולוא תבוא דמעתך׃

  7. יְחֶזְקֵאל כ״ד:י״ז

    האנק דם מתים אבל לא תעשה פארך חבוש עליך ונעליך תשים ברגליך ולא תעטה על שפם ולחם אנשים לא תאכל׃

  8. יְחֶזְקֵאל כ״ד:י״ח

    ואדבר אל העם בבקר ותמת אשתי בערב ואעש בבקר כאשר צויתי׃

  9. יְחֶזְקֵאל כ״ד:י״ט

    ויאמרו אלי העם הלא תגיד לנו מה אלה לנו כי אתה עשה׃

  10. יְחֶזְקֵאל כ״ד:כ׳

    ואמר אליהם דבר יהוה היה אלי לאמר׃

  11. יְחֶזְקֵאל כ״ד:כ״א

    אמר לבית ישראל כה אמר אדני יהוה הנני מחלל את מקדשי גאון עזכם מחמד עיניכם ומחמל נפשכם ובניכם ובנותיכם אשר עזבתם בחרב יפלו׃

  12. יְחֶזְקֵאל כ״ד:כ״ב

    ועשיתם כאשר עשיתי על שפם לא תעטו ולחם אנשים לא תאכלו׃

  13. יְחֶזְקֵאל כ״ד:כ״ג

    ופארכם על ראשיכם ונעליכם ברגליכם לא תספדו ולא תבכו ונמקתם בעונתיכם ונהמתם איש אל אחיו׃

  14. יְחֶזְקֵאל כ״ד:כ״ד

    והיה יחזקאל לכם למופת ככל אשר עשה תעשו בבאה וידעתם כי אני אדני יהוה׃

  15. יְחֶזְקֵאל ל״ג:כ״ב

    ויד יהוה היתה אלי בערב לפני בוא הפליט ויפתח את פי עד בוא אלי בבקר ויפתח פי ולא נאלמתי עוד׃

  16. יְחֶזְקֵאל ל״ז:א׳

    ¶ היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃

  17. יְחֶזְקֵאל מ׳:א׳

    ¶ בעשרים וחמש שנה לגלותנו בראש השנה בעשור לחדש בארבע עשרה שנה אחר אשר הכתה העיר בעצם היום הזה היתה עלי יד יהוה ויבא אתי שמה׃

  18. יְחֶזְקֵאל מ״ג:ה׳

    ותשאני רוח ותביאני אל החצר הפנימי והנה מלא כבוד יהוה הבית׃

  19. דָּנִיֵּאל א׳:י״ז

    והילדים האלה ארבעתם נתן להם האלהים מדע והשכל בכל ספר וחכמה ודניאל הבין בכל חזון וחלמות׃

  20. דָּנִיֵּאל ב׳:י״ט

    אדין לדניאל בחזוא די ליליא רזה גלי אדין דניאל ברך לאלה שמיא׃

  21. דָּנִיֵּאל ז׳:ט״ז

    קרבת על חד מן קאמיא ויציבא אבעא מנה על כל דנה ואמר לי ופשר מליא יהודענני׃

  22. דָּנִיֵּאל ז׳:כ״ח

    עד כה סופא די מלתא אנה דניאל שגיא רעיוני יבהלנני וזיוי ישתנון עלי ומלתא בלבי נטרת׃

  23. דָּנִיֵּאל ח׳:ט״ו

    ויהי בראתי אני דניאל את החזון ואבקשה בינה והנה עמד לנגדי כמראה גבר׃

  24. דָּנִיֵּאל ח׳:ט״ז

    ואשמע קול אדם בין אולי ויקרא ויאמר גבריאל הבן להלז את המראה׃

  25. דָּנִיֵּאל ח׳:י״ז

    ויבא אצל עמדי ובבאו נבעתי ואפלה על פני ויאמר אלי הבן בן אדם כי לעת קץ החזון׃