פסוקים על Prophets

655 פסוקים · 128 היבטים

פסוקי מפתח

סינון לפי ספר
  1. יְחֶזְקֵאל י״ב:ד׳

    והוצאת כליך ככלי גולה יומם לעיניהם ואתה תצא בערב לעיניהם כמוצאי גולה׃

  2. יְחֶזְקֵאל י״ב:ה׳

    לעיניהם חתר לך בקיר והוצאת בו׃

  3. יְחֶזְקֵאל י״ב:ו׳

    לעיניהם על כתף תשא בעלטה תוציא פניך תכסה ולא תראה את הארץ כי מופת נתתיך לבית ישראל׃

  4. יְחֶזְקֵאל י״ב:ז׳

    ואעש כן כאשר צויתי כלי הוצאתי ככלי גולה יומם ובערב חתרתי לי בקיר ביד בעלטה הוצאתי על כתף נשאתי לעיניהם׃

  5. יְחֶזְקֵאל י״ז:ב׳

    בן אדם חוד חידה ומשל משל אל בית ישראל׃

  6. יְחֶזְקֵאל י״ז:ג׳

    ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה בא אל הלבנון ויקח את צמרת הארז׃

  7. יְחֶזְקֵאל י״ז:ד׳

    את ראש יניקותיו קטף ויביאהו אל ארץ כנען בעיר רכלים שמו׃

  8. יְחֶזְקֵאל י״ז:ה׳

    ויקח מזרע הארץ ויתנהו בשדה זרע קח על מים רבים צפצפה שמו׃

  9. יְחֶזְקֵאל י״ז:ו׳

    ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן ותעש בדים ותשלח פארות׃

  10. יְחֶזְקֵאל י״ז:ז׳

    ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה׃

  11. יְחֶזְקֵאל י״ז:ח׳

    אל שדה טוב אל מים רבים היא שתולה לעשות ענף ולשאת פרי להיות לגפן אדרת׃

  12. יְחֶזְקֵאל י״ז:ט׳

    אמר כה אמר אדני יהוה תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה׃

  13. יְחֶזְקֵאל י״ז:י׳

    והנה שתולה התצלח הלוא כגעת בה רוח הקדים תיבש יבש על ערגת צמחה תיבש׃

  14. יְחֶזְקֵאל כ״א:ו׳

    ואתה בן אדם האנח בשברון מתנים ובמרירות תאנח לעיניהם׃

  15. יְחֶזְקֵאל כ״א:ז׳

    והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה׃

  16. יְחֶזְקֵאל כ״ד:א׳

    ¶ ויהי דבר יהוה אלי בשנה התשיעית בחדש העשירי בעשור לחדש לאמר׃

  17. יְחֶזְקֵאל כ״ד:ב׳

    בן אדם כתוב לך את שם היום את עצם היום הזה סמך מלך בבל אל ירושלם בעצם היום הזה׃

  18. יְחֶזְקֵאל כ״ד:ג׳

    ומשל אל בית המרי משל ואמרת אליהם כה אמר אדני יהוה שפת הסיר שפת וגם יצק בו מים׃

  19. יְחֶזְקֵאל כ״ד:ד׳

    אסף נתחיה אליה כל נתח טוב ירך וכתף מבחר עצמים מלא׃

  20. יְחֶזְקֵאל כ״ד:ה׳

    מבחר הצאן לקוח וגם דור העצמים תחתיה רתח רתחיה גם בשלו עצמיה בתוכה׃

  21. יְחֶזְקֵאל כ״ד:ו׳

    לכן כה אמר אדני יהוה אוי עיר הדמים סיר אשר חלאתה בה וחלאתה לא יצאה ממנה לנתחיה לנתחיה הוציאה לא נפל עליה גורל׃

  22. יְחֶזְקֵאל כ״ד:ז׳

    כי דמה בתוכה היה על צחיח סלע שמתהו לא שפכתהו על הארץ לכסות עליו עפר׃

  23. יְחֶזְקֵאל כ״ד:ח׳

    להעלות חמה לנקם נקם נתתי את דמה על צחיח סלע לבלתי הכסות׃

  24. יְחֶזְקֵאל כ״ד:ט׳

    לכן כה אמר אדני יהוה אוי עיר הדמים גם אני אגדיל המדורה׃

  25. יְחֶזְקֵאל כ״ד:י׳

    הרבה העצים הדלק האש התם הבשר והרקח המרקחה והעצמות יחרו׃