פסוקים על Proclamation: Imperial

25 פסוקים · 2 היבטים

פסוקים על Imperial

  1. 2 דִּבְרֵי הַיָּמִים ל׳:א׳

    ¶ וישלח יחזקיהו על כל ישראל ויהודה וגם אגרות כתב על אפרים ומנשה לבוא לבית יהוה בירושלם לעשות פסח ליהוה אלהי ישראל׃

  2. 2 דִּבְרֵי הַיָּמִים ל׳:ב׳

    ויועץ המלך ושריו וכל הקהל בירושלם לעשות הפסח בחדש השני׃

  3. 2 דִּבְרֵי הַיָּמִים ל׳:ג׳

    כי לא יכלו לעשתו בעת ההיא כי הכהנים לא התקדשו למדי והעם לא נאספו לירושלם׃

  4. 2 דִּבְרֵי הַיָּמִים ל׳:ד׳

    ויישר הדבר בעיני המלך ובעיני כל הקהל׃

  5. 2 דִּבְרֵי הַיָּמִים ל׳:ה׳

    ויעמידו דבר להעביר קול בכל ישראל מבאר שבע ועד דן לבוא לעשות פסח ליהוה אלהי ישראל בירושלם כי לא לרב עשו ככתוב׃

  6. 2 דִּבְרֵי הַיָּמִים ל׳:ו׳

    וילכו הרצים באגרות מיד המלך ושריו בכל ישראל ויהודה וכמצות המלך לאמר בני ישראל שובו אל יהוה אלהי אברהם יצחק וישראל וישב אל הפליטה הנשארת לכם מכף מלכי אשור׃

  7. 2 דִּבְרֵי הַיָּמִים ל׳:ז׳

    ואל תהיו כאבותיכם וכאחיכם אשר מעלו ביהוה אלהי אבותיהם ויתנם לשמה כאשר אתם ראים׃

  8. 2 דִּבְרֵי הַיָּמִים ל׳:ח׳

    עתה אל תקשו ערפכם כאבותיכם תנו יד ליהוה ובאו למקדשו אשר הקדיש לעולם ועבדו את יהוה אלהיכם וישב מכם חרון אפו׃

  9. 2 דִּבְרֵי הַיָּמִים ל׳:ט׳

    כי בשובכם על יהוה אחיכם ובניכם לרחמים לפני שוביהם ולשוב לארץ הזאת כי חנון ורחום יהוה אלהיכם ולא יסיר פנים מכם אם תשובו אליו׃

  10. 2 דִּבְרֵי הַיָּמִים ל׳:י׳

    ויהיו הרצים עברים מעיר לעיר בארץ אפרים ומנשה ועד זבלון ויהיו משחיקים עליהם ומלעגים בם׃

  11. אֶסְתֵר א׳:כ״ב

    וישלח ספרים אל כל מדינות המלך אל מדינה ומדינה ככתבה ואל עם ועם כלשונו להיות כל איש שרר בביתו ומדבר כלשון עמו׃

  12. אֶסְתֵר ו׳:ט׳

    ונתון הלבוש והסוס על יד איש משרי המלך הפרתמים והלבישו את האיש אשר המלך חפץ ביקרו והרכיבהו על הסוס ברחוב העיר וקראו לפניו ככה יעשה לאיש אשר המלך חפץ ביקרו׃

  13. אֶסְתֵר ח׳:י׳

    ויכתב בשם המלך אחשורש ויחתם בטבעת המלך וישלח ספרים ביד הרצים בסוסים רכבי הרכש האחשתרנים בני הרמכים׃

  14. אֶסְתֵר ח׳:י״א

    אשר נתן המלך ליהודים אשר בכל עיר ועיר להקהל ולעמד על נפשם להשמיד ולהרג ולאבד את כל חיל עם ומדינה הצרים אתם טף ונשים ושללם לבוז׃

  15. אֶסְתֵר ח׳:י״ב

    ביום אחד בכל מדינות המלך אחשורוש בשלושה עשר לחדש שנים עשר הוא חדש אדר׃

  16. אֶסְתֵר ח׳:י״ג

    פתשגן הכתב להנתן דת בכל מדינה ומדינה גלוי לכל העמים ולהיות היהודיים עתודים ליום הזה להנקם מאיביהם׃

  17. אֶסְתֵר ח׳:י״ד

    הרצים רכבי הרכש האחשתרנים יצאו מבהלים ודחופים בדבר המלך והדת נתנה בשושן הבירה׃

  18. יְשַׁעְיָהוּ מ׳:ג׳

    קול קורא במדבר פנו דרך יהוה ישרו בערבה מסלה לאלהינו׃

  19. יְשַׁעְיָהוּ מ׳:ט׳

    על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

  20. דָּנִיֵּאל ג׳:ד׳

    וכרוזא קרא בחיל לכון אמרין עממיא אמיא ולשניא׃

  21. דָּנִיֵּאל ג׳:ה׳

    בעדנא די תשמעון קל קרנא משרוקיתא קיתרס סבכא פסנתרין סומפניה וכל זני זמרא תפלון ותסגדון לצלם דהבא די הקים נבוכדנצר מלכא׃

  22. דָּנִיֵּאל ג׳:ו׳

    ומן די לא יפל ויסגד בה שעתא יתרמא לגוא אתון נורא יקדתא׃

  23. דָּנִיֵּאל ג׳:ז׳

    כל קבל דנה בה זמנא כדי שמעין כל עממיא קל קרנא משרוקיתא קיתרס שבכא פסנטרין וכל זני זמרא נפלין כל עממיא אמיא ולשניא סגדין לצלם דהבא די הקים נבוכדנצר מלכא׃

  24. דָּנִיֵּאל ד׳:א׳

    ¶ נבוכדנצר מלכא לכל עממיא אמיא ולשניא די דארין בכל ארעא שלמכון ישגא׃

  25. דָּנִיֵּאל ה׳:כ״ט

    באדין אמר בלשאצר והלבישו לדניאל ארגונא והמונכא די דהבא על צוארה והכרזו עלוהי די להוא שליט תלתא במלכותא׃