פסוקים על Persia

117 פסוקים · 9 היבטים

פסוקי מפתח

סינון לפי ספר
  1. 2 דִּבְרֵי הַיָּמִים ל״ו:כ׳

    ויגל השארית מן החרב אל בבל ויהיו לו ולבניו לעבדים עד מלך מלכות פרס׃

  2. עֶזְרָא ז׳:כ״ה

    ואנת עזרא כחכמת אלהך די בידך מני שפטין ודינין די להון דאנין לכל עמה די בעבר נהרה לכל ידעי דתי אלהך ודי לא ידע תהודעון׃

  3. נחמיה ג׳:ט׳

    ועל ידם החזיק רפיה בן חור שר חצי פלך ירושלם׃

  4. נחמיה ג׳:י״ב

    ועל ידו החזיק שלום בן הלוחש שר חצי פלך ירושלם הוא ובנותיו׃

  5. נחמיה ג׳:ט״ז

    אחריו החזיק נחמיה בן עזבוק שר חצי פלך בית צור עד נגד קברי דויד ועד הברכה העשויה ועד בית הגברים׃

  6. נחמיה ג׳:י״ז

    אחריו החזיקו הלוים רחום בן בני על ידו החזיק חשביה שר חצי פלך קעילה לפלכו׃

  7. נחמיה ג׳:י״ח

    אחריו החזיקו אחיהם בוי בן חנדד שר חצי פלך קעילה׃

  8. אֶסְתֵר א׳:א׳

    ¶ ויהי בימי אחשורוש הוא אחשורוש המלך מהדו ועד כוש שבע ועשרים ומאה מדינה׃

  9. אֶסְתֵר ח׳:ח׳

    ואתם כתבו על היהודים כטוב בעיניכם בשם המלך וחתמו בטבעת המלך כי כתב אשר נכתב בשם המלך ונחתום בטבעת המלך אין להשיב׃

  10. יְשַׁעְיָהוּ י״ג:י״ז

    הנני מעיר עליהם את מדי אשר כסף לא יחשבו וזהב לא יחפצו בו׃

  11. יְשַׁעְיָהוּ כ״א:א׳

    ¶ משא מדבר ים כסופות בנגב לחלף ממדבר בא מארץ נוראה׃

  12. יְשַׁעְיָהוּ כ״א:ב׳

    חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי׃

  13. יְשַׁעְיָהוּ כ״א:ג׳

    על כן מלאו מתני חלחלה צירים אחזוני כצירי יולדה נעויתי משמע נבהלתי מראות׃

  14. יְשַׁעְיָהוּ כ״א:ד׳

    תעה לבבי פלצות בעתתני את נשף חשקי שם לי לחרדה׃

  15. יְשַׁעְיָהוּ כ״א:ה׳

    ערך השלחן צפה הצפית אכול שתה קומו השרים משחו מגן׃

  16. יְשַׁעְיָהוּ כ״א:ו׳

    כי כה אמר אלי אדני לך העמד המצפה אשר יראה יגיד׃

  17. יְשַׁעְיָהוּ כ״א:ז׳

    וראה רכב צמד פרשים רכב חמור רכב גמל והקשיב קשב רב קשב׃

  18. יְשַׁעְיָהוּ כ״א:ח׳

    ויקרא אריה על מצפה אדני אנכי עמד תמיד יומם ועל משמרתי אנכי נצב כל הלילות׃

  19. יְשַׁעְיָהוּ כ״א:ט׳

    והנה זה בא רכב איש צמד פרשים ויען ויאמר נפלה נפלה בבל וכל פסילי אלהיה שבר לארץ׃

  20. יְשַׁעְיָהוּ כ״א:י׳

    מדשתי ובן גרני אשר שמעתי מאת יהוה צבאות אלהי ישראל הגדתי לכם׃

  21. יִרְמְיָהוּ מ״ט:ל״ד

    אשר היה דבר יהוה אל ירמיהו הנביא אל עילם בראשית מלכות צדקיה מלך יהודה לאמר׃

  22. יִרְמְיָהוּ מ״ט:ל״ה

    כה אמר יהוה צבאות הנני שבר את קשת עילם ראשית גבורתם׃

  23. יִרְמְיָהוּ מ״ט:ל״ו

    והבאתי אל עילם ארבע רוחות מארבע קצות השמים וזרתים לכל הרחות האלה ולא יהיה הגוי אשר לא יבוא שם נדחי עולם׃

  24. יִרְמְיָהוּ מ״ט:ל״ז

    והחתתי את עילם לפני איביהם ולפני מבקשי נפשם והבאתי עליהם רעה את חרון אפי נאם יהוה ושלחתי אחריהם את החרב עד כלותי אותם׃

  25. יִרְמְיָהוּ מ״ט:ל״ח

    ושמתי כסאי בעילם והאבדתי משם מלך ושרים נאם יהוה׃