פסוקים על Paul

619 פסוקים · 103 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים י״ד:ט״ו

    ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם׃

  2. מַעֲשֵׂי הַשְּׁלִיחִים י״ד:ט״ז

    ואשר בדרות קדם הניח לכל הגוים ללכת בדרכיהם׃

  3. מַעֲשֵׂי הַשְּׁלִיחִים י״ד:י״ז

    וגם לא חדל להעיד על עצמו וייטב לנו בתתו מטר מן השמים ועתות שבע וימלא לבותינו מזון וששון׃

  4. מַעֲשֵׂי הַשְּׁלִיחִים י״ד:י״ח

    ואף בדברים האלה כמעט לא עצרו כח לכלוא את העם מזבח להם׃

  5. מַעֲשֵׂי הַשְּׁלִיחִים י״ד:י״ט

    ויבאו שמה יהודים מן אנטיוכיא ומן איקניון ויסיתו את העם וירגמו את פולוס באבנים ויסחבהו חוצה לעיר בחשבם כי מת׃

  6. מַעֲשֵׂי הַשְּׁלִיחִים י״ד:כ׳

    ויסבו אתו התלמידים ויקם ויבא העירה וממחרת יצא אל דרבי הוא ובר נבא׃

  7. מַעֲשֵׂי הַשְּׁלִיחִים י״ד:כ״א

    ויבשרו את הבשורה בעיר ההיא ואחרי העמידם תלמידים הרבה שבו אל לוסטרא ואיקניון ואנטיוכיא׃

  8. מַעֲשֵׂי הַשְּׁלִיחִים י״ד:כ״ב

    ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃

  9. מַעֲשֵׂי הַשְּׁלִיחִים י״ד:כ״ג

    ויבחרו להם זקנים בכל קהלה וקהלה ויתפללו ויצומו ויפקידום ביד האדון אשר האמינו בו׃

  10. מַעֲשֵׂי הַשְּׁלִיחִים י״ד:כ״ד

    ויעברו בפיסדיא ויבאו אל פמפוליא׃

  11. מַעֲשֵׂי הַשְּׁלִיחִים י״ד:כ״ה

    וישמיעו את דבר יהוה בפרגי וירדו אל אטליא׃

  12. מַעֲשֵׂי הַשְּׁלִיחִים י״ד:כ״ו

    ומשם באו באניה אל אנטיוכיא אשר נמסרו שם לחסד אלהים על המלאכה אשר מלאו אתה׃

  13. מַעֲשֵׂי הַשְּׁלִיחִים י״ד:כ״ז

    ובבאם שמה הקהילו את העדה ויגידו את כל אשר עשה אתם האלהים ואת אשר פתח לגוים פתח האמונה׃

  14. מַעֲשֵׂי הַשְּׁלִיחִים י״ד:כ״ח

    וישבו שם עם התלמידים ימים לא מעטים׃

  15. מַעֲשֵׂי הַשְּׁלִיחִים ט״ו:א׳

    ¶ ואנשים ירדו מיהודה וילמדו את האחים לאמר אם לא תמולו כדת משה לא תושעון׃

  16. מַעֲשֵׂי הַשְּׁלִיחִים ט״ו:ב׳

    ויהי על זאת ריב ומחלקת לא קלה לפולוס ולבר נבא עמהם ויגזרו כי פולוס ובר נבא ואחרים מהם יעלו ירושלים אל השליחים והזקנים על אדות השאלה הזאת׃

  17. מַעֲשֵׂי הַשְּׁלִיחִים ט״ו:ד׳

    ויהי כבאם ירושלים ויקבלו אתם הקהלה והשליחים והזקנים ויגידו להם את אשר הגדיל האלהים לעשות עמהם׃

  18. מַעֲשֵׂי הַשְּׁלִיחִים ט״ו:י״ב

    ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃

  19. מַעֲשֵׂי הַשְּׁלִיחִים ט״ו:כ״ב

    וייטב בעיני השליחים והזקנים עם כל הקהל לבחר מהם אנשים ולשלח אתם אל אנטיוכיא עם פולוס ובר נבא את יהודה המכנה בר שבא ואת סילא אנשי שם בין האחים׃

  20. מַעֲשֵׂי הַשְּׁלִיחִים ט״ו:כ״ה

    לכן טוב בעיני כלנו יחדו לבחר אנשים לשלחם אליכם עם חביבינו בר נבא ופולוס׃

  21. מַעֲשֵׂי הַשְּׁלִיחִים ט״ו:ל״ו

    ויהי מקץ ימים ויאמר פולוס אל בר נבא לכה ונשובה ונפקדה את אחינו בכל עיר ועיר אשר קראנו שם את דבר יהוה ונראה מה המה׃

  22. מַעֲשֵׂי הַשְּׁלִיחִים ט״ו:ל״ז

    ובר נבא יעץ לקחת אתם את יוחנן המכנה מרקוס׃

  23. מַעֲשֵׂי הַשְּׁלִיחִים ט״ו:ל״ח

    אך פולוס לא אבה לקחת אתם את האיש אשר סר מעליהם בפמפוליא ולא הלך אתם במלאכתם׃

  24. מַעֲשֵׂי הַשְּׁלִיחִים ט״ו:ל״ט

    ויהי רגז עד אשר נפרדו איש מאחיו ויקח בר נבא את מרקוס ויסע באניה אל קפרוס׃

  25. מַעֲשֵׂי הַשְּׁלִיחִים ט״ו:מ׳

    ופולוס בחר לו את סילא וימסרהו האחים אל חסד יהוה ויצא׃