פסוקים על Missions: General references

ויצו מלך אשור לאמר הליכו שמה אחד מהכהנים אשר הגליתם משם וילכו וישבו שם וירם את משפט אלהי הארץ׃

ויבא אחד מהכהנים אשר הגלו משמרון וישב בבית אל ויהי מורה אתם איך ייראו את יהוה׃

שירו ליהוה כל הארץ בשרו מיום אל יום ישועתו׃

ספרו בגוים את כבודו בכל העמים נפלאתיו׃

על כן אודך בגוים יהוה ולשמך אזמרה׃

ספרו בגוים כבודו בכל העמים נפלאותיו׃

אמרו בגוים יהוה מלך אף תכון תבל בל תמוט ידין עמים במישרים׃

אמר לצפון תני ולתימן אל תכלאי הביאי בני מרחוק ובנותי מקצה הארץ׃

כל הנקרא בשמי ולכבודי בראתיו יצרתיו אף עשיתיו׃

¶ ויהי דבר יהוה אל יונה שנית לאמר׃

קום לך אל נינוה העיר הגדולה וקרא אליה את הקריאה אשר אנכי דבר אליך׃

ויקם יונה וילך אל נינוה כדבר יהוה ונינוה היתה עיר גדולה לאלהים מהלך שלשת ימים׃

ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃

ויאמינו אנשי נינוה באלהים ויקראו צום וילבשו שקים מגדולם ועד קטנם׃

ויגע הדבר אל מלך נינוה ויקם מכסאו ויעבר אדרתו מעליו ויכס שק וישב על האפר׃

ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישתו׃

ויתכסו שקים האדם והבהמה ויקראו אל אלהים בחזקה וישבו איש מדרכו הרעה ומן החמס אשר בכפיהם׃

מי יודע ישוב ונחם האלהים ושב מחרון אפו ולא נאבד׃

ותקרא בשורת המלכות הזאת בתבל כלה לעדות לכל הגוים ואחר יבוא הקץ׃

לכו ועשו לתלמידים את כל הגוים וטבלתם אתם לשם האב והבן ורוח הקדש׃

והבשורה צריכה להקרא בראשנה לכל הגוים׃

ויאמר אליהם לכו אל כל העולם וקראו את הבשורה לכל הבריאה׃

ואשר תקרא בשמו תשובה וסליחת החטאים בכל הגוים החל מירושלים׃

ואתם עדים בזאת׃

ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃