פסוקים על Missions: Missionary hymn

13 פסוקים · 3 היבטים

פסוקים על Missionary hymn

תְהִלִּים צ״ו:א׳
¶ שירו ליהוה שיר חדש שירו ליהוה כל הארץ׃
תְהִלִּים צ״ו:ב׳
שירו ליהוה ברכו שמו בשרו מיום ליום ישועתו׃
תְהִלִּים צ״ו:ג׳
ספרו בגוים כבודו בכל העמים נפלאותיו׃
תְהִלִּים צ״ו:ד׳
כי גדול יהוה ומהלל מאד נורא הוא על כל אלהים׃
תְהִלִּים צ״ו:ה׳
כי כל אלהי העמים אלילים ויהוה שמים עשה׃
תְהִלִּים צ״ו:ו׳
הוד והדר לפניו עז ותפארת במקדשו׃
תְהִלִּים צ״ו:ז׳
הבו ליהוה משפחות עמים הבו ליהוה כבוד ועז׃
תְהִלִּים צ״ו:ח׳
הבו ליהוה כבוד שמו שאו מנחה ובאו לחצרותיו׃
תְהִלִּים צ״ו:ט׳
השתחוו ליהוה בהדרת קדש חילו מפניו כל הארץ׃
תְהִלִּים צ״ו:י׳
אמרו בגוים יהוה מלך אף תכון תבל בל תמוט ידין עמים במישרים׃
תְהִלִּים צ״ו:י״א
ישמחו השמים ותגל הארץ ירעם הים ומלאו׃
תְהִלִּים צ״ו:י״ב
יעלז שדי וכל אשר בו אז ירננו כל עצי יער׃
תְהִלִּים צ״ו:י״ג
לפני יהוה כי בא כי בא לשפט הארץ ישפט תבל בצדק ועמים באמונתו׃