פסוקים על Laver

25 פסוקים · 8 היבטים

פסוקי מפתח

שְׁמֹות ל׳:י״ח
ועשית כיור נחשת וכנו נחשת לרחצה ונתת אתו בין אהל מועד ובין המזבח ונתת שמה מים׃
שְׁמֹות ל׳:י״ט
ורחצו אהרן ובניו ממנו את ידיהם ואת רגליהם׃
שְׁמֹות ל׳:כ׳
בבאם אל אהל מועד ירחצו מים ולא ימתו או בגשתם אל המזבח לשרת להקטיר אשה ליהוה׃
שְׁמֹות מ׳:ל׳
וישם את הכיר בין אהל מועד ובין המזבח ויתן שמה מים לרחצה׃
שְׁמֹות מ׳:ל״א
ורחצו ממנו משה ואהרן ובניו את ידיהם ואת רגליהם׃
שְׁמֹות מ׳:ל״ב
בבאם אל אהל מועד ובקרבתם אל המזבח ירחצו כאשר צוה יהוה את משה׃
1 מְלָכִים ז׳:כ״ג
ויעש את הים מוצק עשר באמה משפתו עד שפתו עגל סביב וחמש באמה קומתו וקוה שלשים באמה יסב אתו סביב׃
1 מְלָכִים ז׳:כ״ד
ופקעים מתחת לשפתו סביב סבבים אתו עשר באמה מקפים את הים סביב שני טורים הפקעים יצקים ביצקתו׃
1 מְלָכִים ז׳:כ״ה
עמד על שני עשר בקר שלשה פנים צפונה ושלשה פנים ימה ושלשה פנים נגבה ושלשה פנים מזרחה והים עליהם מלמעלה וכל אחריהם ביתה׃
1 מְלָכִים ז׳:כ״ו
ועביו טפח ושפתו כמעשה שפת כוס פרח שושן אלפים בת יכיל׃
1 מְלָכִים ז׳:ל״ח
ויעש עשרה כירות נחשת ארבעים בת יכיל הכיור האחד ארבע באמה הכיור האחד כיור אחד על המכנה האחת לעשר המכונות׃
1 מְלָכִים ז׳:ל״ט
ויתן את המכנות חמש על כתף הבית מימין וחמש על כתף הבית משמאלו ואת הים נתן מכתף הבית הימנית קדמה ממול נגב׃
2 דִּבְרֵי הַיָּמִים ד׳:ב׳
ויעש את הים מוצק עשר באמה משפתו אל שפתו עגול סביב וחמש באמה קומתו וקו שלשים באמה יסב אתו סביב׃
2 דִּבְרֵי הַיָּמִים ד׳:ג׳
ודמות בקרים תחת לו סביב סביב סובבים אתו עשר באמה מקיפים את הים סביב שנים טורים הבקר יצוקים במצקתו׃
2 דִּבְרֵי הַיָּמִים ד׳:ד׳
עומד על שנים עשר בקר שלשה פנים צפונה ושלושה פנים ימה ושלשה פנים נגבה ושלשה פנים מזרחה והים עליהם מלמעלה וכל אחריהם ביתה׃
2 דִּבְרֵי הַיָּמִים ד׳:ה׳
ועביו טפח ושפתו כמעשה שפת כוס פרח שושנה מחזיק בתים שלשת אלפים יכיל׃
2 דִּבְרֵי הַיָּמִים ד׳:ו׳
ויעש כיורים עשרה ויתן חמשה מימין וחמשה משמאול לרחצה בהם את מעשה העולה ידיחו בם והים לרחצה לכהנים בו׃
2 דִּבְרֵי הַיָּמִים ד׳:ז׳
ויעש את מנרות הזהב עשר כמשפטם ויתן בהיכל חמש מימין וחמש משמאול׃
2 דִּבְרֵי הַיָּמִים ד׳:ח׳
ויעש שלחנות עשרה וינח בהיכל חמשה מימין וחמשה משמאול ויעש מזרקי זהב מאה׃
2 דִּבְרֵי הַיָּמִים ד׳:ט׳
ויעש חצר הכהנים והעזרה הגדולה ודלתות לעזרה ודלתותיהם צפה נחשת׃
2 דִּבְרֵי הַיָּמִים ד׳:י׳
ואת הים נתן מכתף הימנית קדמה ממול נגבה׃
2 דִּבְרֵי הַיָּמִים ד׳:י״א
ויעש חורם את הסירות ואת היעים ואת המזרקות ויכל חירם לעשות את המלאכה אשר עשה למלך שלמה בבית האלהים׃
2 דִּבְרֵי הַיָּמִים ד׳:י״ב
עמודים שנים והגלות והכתרות על ראש העמודים שתים והשבכות שתים לכסות את שתי גלות הכתרות אשר על ראש העמודים׃
2 דִּבְרֵי הַיָּמִים ד׳:י״ג
ואת הרמונים ארבע מאות לשתי השבכות שנים טורים רמונים לשבכה האחת לכסות את שתי גלות הכתרות אשר על פני העמודים׃
2 דִּבְרֵי הַיָּמִים ד׳:י״ד
ואת המכנות עשה ואת הכירות עשה על המכנות׃