פסוקים על Ingratitude to God

52 פסוקים · 14 היבטים

פסוקי מפתח

סינון לפי ספר
  1. יִרְמְיָהוּ ב׳:י״א

    ההימיר גוי אלהים והמה לא אלהים ועמי המיר כבודו בלוא יועיל׃

  2. יִרְמְיָהוּ ב׳:י״ב

    שמו שמים על זאת ושערו חרבו מאד נאם יהוה׃

  3. יִרְמְיָהוּ ב׳:י״ג

    כי שתים רעות עשה עמי אתי עזבו מקור מים חיים לחצב להם בארות בארת נשברים אשר לא יכלו המים׃

  4. יִרְמְיָהוּ ה׳:ז׳

    אי לזאת אסלוח לך בניך עזבוני וישבעו בלא אלהים ואשבע אותם וינאפו ובית זונה יתגדדו׃

  5. יִרְמְיָהוּ ה׳:ח׳

    סוסים מיזנים משכים היו איש אל אשת רעהו יצהלו׃

  6. יִרְמְיָהוּ ה׳:ט׳

    העל אלה לוא אפקד נאם יהוה ואם בגוי אשר כזה לא תתנקם נפשי׃

  7. יִרְמְיָהוּ ה׳:י׳

    עלו בשרותיה ושחתו וכלה אל תעשו הסירו נטישותיה כי לוא ליהוה המה׃

  8. יִרְמְיָהוּ ה׳:י״א

    כי בגוד בגדו בי בית ישראל ובית יהודה נאם יהוה׃

  9. יְחֶזְקֵאל ט״ז:א׳

    ¶ ויהי דבר יהוה אלי לאמר׃

  10. יְחֶזְקֵאל ט״ז:ב׳

    בן אדם הודע את ירושלם את תועבתיה׃

  11. יְחֶזְקֵאל ט״ז:ג׳

    ואמרת כה אמר אדני יהוה לירושלם מכרתיך ומלדתיך מארץ הכנעני אביך האמרי ואמך חתית׃

  12. יְחֶזְקֵאל ט״ז:ד׳

    ומולדותיך ביום הולדת אתך לא כרת שרך ובמים לא רחצת למשעי והמלח לא המלחת והחתל לא חתלת׃

  13. יְחֶזְקֵאל ט״ז:ה׳

    לא חסה עליך עין לעשות לך אחת מאלה לחמלה עליך ותשלכי אל פני השדה בגעל נפשך ביום הלדת אתך׃

  14. יְחֶזְקֵאל ט״ז:ו׳

    ואעבר עליך ואראך מתבוססת בדמיך ואמר לך בדמיך חיי ואמר לך בדמיך חיי׃

  15. יְחֶזְקֵאל ט״ז:ז׳

    רבבה כצמח השדה נתתיך ותרבי ותגדלי ותבאי בעדי עדיים שדים נכנו ושערך צמח ואת ערם ועריה׃

  16. יְחֶזְקֵאל ט״ז:ח׳

    ואעבר עליך ואראך והנה עתך עת דדים ואפרש כנפי עליך ואכסה ערותך ואשבע לך ואבוא בברית אתך נאם אדני יהוה ותהיי לי׃

  17. יְחֶזְקֵאל ט״ז:ט׳

    וארחצך במים ואשטף דמיך מעליך ואסכך בשמן׃

  18. יְחֶזְקֵאל ט״ז:י׳

    ואלבישך רקמה ואנעלך תחש ואחבשך בשש ואכסך משי׃

  19. יְחֶזְקֵאל ט״ז:י״א

    ואעדך עדי ואתנה צמידים על ידיך ורביד על גרונך׃

  20. יְחֶזְקֵאל ט״ז:י״ב

    ואתן נזם על אפך ועגילים על אזניך ועטרת תפארת בראשך׃

  21. יְחֶזְקֵאל ט״ז:י״ג

    ותעדי זהב וכסף ומלבושך ששי ומשי ורקמה סלת ודבש ושמן אכלתי ותיפי במאד מאד ותצלחי למלוכה׃

  22. יְחֶזְקֵאל ט״ז:י״ד

    ויצא לך שם בגוים ביפיך כי כליל הוא בהדרי אשר שמתי עליך נאם אדני יהוה׃

  23. יְחֶזְקֵאל ט״ז:ט״ו

    ותבטחי ביפיך ותזני על שמך ותשפכי את תזנותיך על כל עובר לו יהי׃

  24. דָּנִיֵּאל ה׳:י״ח

    אנתה מלכא אלהא עליא מלכותא ורבותא ויקרא והדרה יהב לנבכדנצר אבוך׃

  25. דָּנִיֵּאל ה׳:י״ט

    ומן רבותא די יהב לה כל עממיא אמיא ולשניא הוו זאעין ודחלין מן קדמוהי די הוה צבא הוא קטל ודי הוה צבא הוה מחא ודי הוה צבא הוה מרים ודי הוה צבא הוה משפיל׃