פסוקים על Idolatry

447 פסוקים · 205 היבטים

פסוקי מפתח

2 מְלָכִים י״ז:ט״ז
ויעזבו את כל מצות יהוה אלהיהם ויעשו להם מסכה שנים עגלים ויעשו אשירה וישתחוו לכל צבא השמים ויעבדו את הבעל׃
2 מְלָכִים י״ז:י״ז
ויעבירו את בניהם ואת בנותיהם באש ויקסמו קסמים וינחשו ויתמכרו לעשות הרע בעיני יהוה להכעיסו׃
2 מְלָכִים י״ז:י״ח
ויתאנף יהוה מאד בישראל ויסרם מעל פניו לא נשאר רק שבט יהודה לבדו׃
2 מְלָכִים י״ז:י״ט
גם יהודה לא שמר את מצות יהוה אלהיהם וילכו בחקות ישראל אשר עשו׃
2 מְלָכִים י״ז:כ׳
וימאס יהוה בכל זרע ישראל ויענם ויתנם ביד שסים עד אשר השליכם מפניו׃
2 מְלָכִים י״ז:כ״א
כי קרע ישראל מעל בית דוד וימליכו את ירבעם בן נבט וידא ירבעם את ישראל מאחרי יהוה והחטיאם חטאה גדולה׃
2 מְלָכִים י״ז:כ״ב
וילכו בני ישראל בכל חטאות ירבעם אשר עשה לא סרו ממנה׃
2 מְלָכִים י״ז:כ״ג
עד אשר הסיר יהוה את ישראל מעל פניו כאשר דבר ביד כל עבדיו הנביאים ויגל ישראל מעל אדמתו אשורה עד היום הזה׃
2 מְלָכִים כ״א:ד׳
ובנה מזבחת בבית יהוה אשר אמר יהוה בירושלם אשים את שמי׃
2 מְלָכִים כ״א:ה׳
ויבן מזבחות לכל צבא השמים בשתי חצרות בית יהוה׃
2 מְלָכִים כ״א:ו׳
והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃
2 מְלָכִים כ״א:ז׳
וישם את פסל האשרה אשר עשה בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם׃
2 דִּבְרֵי הַיָּמִים כ״ח:ב׳
וילך בדרכי מלכי ישראל וגם מסכות עשה לבעלים׃
2 דִּבְרֵי הַיָּמִים כ״ח:ג׳
והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃
2 דִּבְרֵי הַיָּמִים כ״ח:ד׳
ויזבח ויקטר בבמות ועל הגבעות ותחת כל עץ רענן׃
2 דִּבְרֵי הַיָּמִים כ״ח:כ״ב
ובעת הצר לו ויוסף למעול ביהוה הוא המלך אחז׃
2 דִּבְרֵי הַיָּמִים כ״ח:כ״ג
ויזבח לאלהי דרמשק המכים בו ויאמר כי אלהי מלכי ארם הם מעזרים אותם להם אזבח ויעזרוני והם היו לו להכשילו ולכל ישראל׃
נחמיה ט׳:כ״ז
ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהם׃
נחמיה ט׳:כ״ח
וכנוח להם ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתים׃
נחמיה ט׳:כ״ט
ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעו׃
נחמיה ט׳:ל׳
ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃
נחמיה ט׳:ל״א
וברחמיך הרבים לא עשיתם כלה ולא עזבתם כי אל חנון ורחום אתה׃
נחמיה ט׳:ל״ב
ועתה אלהינו האל הגדול הגבור והנורא שומר הברית והחסד אל ימעט לפניך את כל התלאה אשר מצאתנו למלכינו לשרינו ולכהנינו ולנביאנו ולאבתינו ולכל עמך מימי מלכי אשור עד היום הזה׃
נחמיה ט׳:ל״ג
ואתה צדיק על כל הבא עלינו כי אמת עשית ואנחנו הרשענו׃
נחמיה ט׳:ל״ד
ואת מלכינו שרינו כהנינו ואבתינו לא עשו תורתך ולא הקשיבו אל מצותיך ולעדותיך אשר העידת בהם׃

מציג 51–75 מתוך 447 פסוקים

הקודם 1 2 3 4 5...18 הבא