פסוקים על Holiness

ופרי הרוח אהבה שמחה ושלום ארך רוח ונדיבות וחסד ואמונה׃

וענוה ופרישות אין תורה לנגד עשי אלה׃

ואשר הם למשיח צלבו את בשרם עם כל תשוקתיו ותאותיו׃

אם נחיה ברוח נתהלכה גם ברוח׃

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש׃

כי זה ערבון ירשתנו לפדות לו עם סגלה לתהלת כבודו׃

אשר חבר בו יחד הבנין כלו עדי יגבה להיכל קדש ליהוה׃

ובו נבנים גם אתם להיות משכן אלהים ברוח׃

ואתם לא כן למדתם את המשיח׃

אם אמנם אתו שמעתם ובו למדתם כפי האמת בישוע׃

אשר תסורו מדרכיכם הראשנים ותפשטו את האדם הישן הנשחת בתאות התרמית׃

ותתחדשו ברוח שכלכם׃

ותלבשו את האדם החדש הנברא כדמות אלהים בצדקה וקדשת האמת׃

כי מלפנים הייתם חשך ועתה הנכם אור באדנינו התהלכו נא כבני אור׃

כי פרי הרוח כל מעשי חסד וצדק ואמת׃

ובחנו מה הוא רצוי בעיני אדנינו׃

ואל תשתתפו עם מעשי החשך אשר לא יעשו פרי כי אם הוכח תוכיחו אותם׃

האנשים אהבו את נשיכם כאשר גם המשיח אהב את העדה ויתן את נפשו בעדה׃

למען קדשה בדברו אחרי אשר טהרה ברחיצת המים׃

להקימה בכבוד לו לעדה אשר אין בה כתם וקמט וכדומה כי אם למען תהיה קדושה ותמימה׃

למען תבחנו את המבחרות והייתם זכים ובלי מכשול עד יום המשיח׃

מלאים פרי הצדקה על ידי ישוע המשיח לכבוד אלהים ותהלתו׃

על כן תמותתו את אבריכם בארץ את הזנות והטמאה והזמה והתאות הרעות ונטות אחרי הבצע אשר היא עבודת אלילים׃

כי בגלל אלה בא חרון אלהים על בני חמרי׃

אשר גם אתם הלכתם בהם מלפנים בחיותכם בתוכם׃