פסוקים על Holiness: General references

וידבר יהוה אל אהרן לאמר׃

יין ושכר אל תשת אתה ובניך אתך בבאכם אל אהל מועד ולא תמתו חקת עולם לדרתיכם׃

ולהבדיל בין הקדש ובין החל ובין הטמא ובין הטהור׃

כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ׃

כי אני יהוה המעלה אתכם מארץ מצרים להית לכם לאלהים והייתם קדשים כי קדוש אני׃

ולא יכלו בני ישראל לקום לפני איביהם ערף יפנו לפני איביהם כי היו לחרם לא אוסיף להיות עמכם אם לא תשמידו החרם מקרבכם׃

קם קדש את העם ואמרת התקדשו למחר כי כה אמר יהוה אלהי ישראל חרם בקרבך ישראל לא תוכל לקום לפני איביך עד הסירכם החרם מקרבכם׃

¶ מזמור לדוד יהוה מי יגור באהלך מי ישכן בהר קדשך׃

הולך תמים ופעל צדק ודבר אמת בלבבו׃

לא רגל על לשנו לא עשה לרעהו רעה וחרפה לא נשא על קרבו׃

נבזה בעיניו נמאס ואת יראי יהוה יכבד נשבע להרע ולא ימר׃

כספו לא נתן בנשך ושחד על נקי לא לקח עשה אלה לא ימוט לעולם׃

מי יעלה בהר יהוה ומי יקום במקום קדשו׃

נקי כפים ובר לבב אשר לא נשא לשוא נפשי ולא נשבע למרמה׃

ישא ברכה מאת יהוה וצדקה מאלהי ישעו׃

¶ אשרי תמימי דרך ההלכים בתורת יהוה׃

אשרי נצרי עדתיו בכל לב ידרשוהו׃

אף לא פעלו עולה בדרכיו הלכו׃

אף ארח משפטיך יהוה קוינוך לשמך ולזכרך תאות נפש׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

ונודע בגוים זרעם וצאצאיהם בתוך העמים כל ראיהם יכירום כי הם זרע ברך יהוה׃

שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃

כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃

ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבח׃

והיה כל סיר בירושלם וביהודה קדש ליהוה צבאות ובאו כל הזבחים ולקחו מהם ובשלו בהם ולא יהיה כנעני עוד בבית יהוה צבאות ביום ההוא׃