פסוקים על Answers To Prayer

אם תשוב עד שדי תבנה תרחיק עולה מאהלך׃

תעתיר אליו וישמעך ונדריך תשלם׃

כי מה תקות חנף כי יבצע כי ישל אלוה נפשו׃

הצעקתו ישמע אל כי תבוא עליו צרה׃

שם יצעקו ולא יענה מפני גאון רעים׃

אך שוא לא ישמע אל ושדי לא ישורנה׃

ויהוה שב את שבית איוב בהתפללו בעד רעהו ויסף יהוה את כל אשר לאיוב למשנה׃

כי דרש דמים אותם זכר לא שכח צעקת עניים׃

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

ואיבי נתתה לי ערף ומשנאי אצמיתם׃

ישועו ואין מושיע על יהוה ולא ענם׃

דרשתי את יהוה וענני ומכל מגורותי הצילני׃

עיני יהוה אל צדיקים ואזניו אל שועתם׃

¶ למנצח לדוד מזמור קוה קויתי יהוה ויט אלי וישמע שועתי׃

וקראני ביום צרה אחלצך ותכבדני׃

און אם ראיתי בלבי לא ישמע אדני׃

ברוך אלהים אשר לא הסיר תפלתי וחסדו מאתי׃

כי בי חשק ואפלטהו אשגבהו כי ידע שמי׃

יקראני ואענהו עמו אנכי בצרה אחלצהו ואכבדהו׃

משה ואהרן בכהניו ושמואל בקראי שמו קראים אל יהוה והוא יענם׃

וירא בצר להם בשמעו את רנתם׃

¶ אהבתי כי ישמע יהוה את קולי תחנוני׃

כי הטה אזנו לי ובימי אקרא׃

לך אזבח זבח תודה ובשם יהוה אקרא׃

מן המצר קראתי יה ענני במרחב יה׃