פסוקים על Answers To Prayer

195 פסוקים · 85 היבטים

פסוקי מפתח

סינון לפי ספר
  1. שְׁמֹות ב׳:כ״ד

    וישמע אלהים את נאקתם ויזכר אלהים את בריתו את אברהם את יצחק ואת יעקב׃

  2. שְׁמֹות י״ז:ד׳

    ויצעק משה אל יהוה לאמר מה אעשה לעם הזה עוד מעט וסקלני׃

  3. שְׁמֹות י״ז:ה׳

    ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר קח בידך והלכת׃

  4. שְׁמֹות י״ז:ו׳

    הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל׃

  5. שְׁמֹות י״ז:י״א

    והיה כאשר ירים משה ידו וגבר ישראל וכאשר יניח ידו וגבר עמלק׃

  6. שְׁמֹות י״ז:י״ב

    וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש׃

  7. שְׁמֹות י״ז:י״ג

    ויחלש יהושע את עמלק ואת עמו לפי חרב׃

  8. שְׁמֹות ל״ב:י״א

    ויחל משה את פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה׃

  9. שְׁמֹות ל״ב:י״ב

    למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שוב מחרון אפך והנחם על הרעה לעמך׃

  10. שְׁמֹות ל״ב:י״ג

    זכר לאברהם ליצחק ולישראל עבדיך אשר נשבעת להם בך ותדבר אלהם ארבה את זרעכם ככוכבי השמים וכל הארץ הזאת אשר אמרתי אתן לזרעכם ונחלו לעלם׃

  11. שְׁמֹות ל״ב:י״ד

    וינחם יהוה על הרעה אשר דבר לעשות לעמו׃

  12. שֹׁפְטִים ט״ו:י״ח

    ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערלים׃

  13. שֹׁפְטִים ט״ו:י״ט

    ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזה׃

  14. 1 שְׁמוּאֵל א׳:כ״ז

    אל הנער הזה התפללתי ויתן יהוה לי את שאלתי אשר שאלתי מעמו׃

  15. 1 שְׁמוּאֵל ז׳:ט׳

    ויקח שמואל טלה חלב אחד ויעלה עולה כליל ליהוה ויזעק שמואל אל יהוה בעד ישראל ויענהו יהוה׃

  16. 1 שְׁמוּאֵל כ״ח:ט״ו

    ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃

  17. 1 מְלָכִים ג׳:ט׳

    ונתת לעבדך לב שמע לשפט את עמך להבין בין טוב לרע כי מי יוכל לשפט את עמך הכבד הזה׃

  18. 1 מְלָכִים ג׳:י״ב

    הנה עשיתי כדבריך הנה נתתי לך לב חכם ונבון אשר כמוך לא היה לפניך ואחריך לא יקום כמוך׃

  19. 1 מְלָכִים י״ג:ו׳

    ויען המלך ויאמר אל איש האלהים חל נא את פני יהוה אלהיך והתפלל בעדי ותשב ידי אלי ויחל איש האלהים את פני יהוה ותשב יד המלך אליו ותהי כבראשנה׃

  20. 1 מְלָכִים י״ח:ל״ו

    ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

  21. 1 מְלָכִים י״ח:ל״ז

    ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃

  22. 1 מְלָכִים י״ח:ל״ח

    ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

  23. 2 מְלָכִים ד׳:ל״ג

    ויבא ויסגר הדלת בעד שניהם ויתפלל אל יהוה׃

  24. 2 מְלָכִים ד׳:ל״ד

    ויעל וישכב על הילד וישם פיו על פיו ועיניו על עיניו וכפיו על כפו ויגהר עליו ויחם בשר הילד׃

  25. 2 מְלָכִים ד׳:ל״ה

    וישב וילך בבית אחת הנה ואחת הנה ויעל ויגהר עליו ויזורר הנער עד שבע פעמים ויפקח הנער את עיניו׃