פסוקים על Ancient Samaria

87 פסוקים · 29 היבטים

פסוקי מפתח

1 מְלָכִים כ׳:י״ט
ואלה יצאו מן העיר נערי שרי המדינות והחיל אשר אחריהם׃
1 מְלָכִים כ׳:כ׳
ויכו איש אישו וינסו ארם וירדפם ישראל וימלט בן הדד מלך ארם על סוס ופרשים׃
1 מְלָכִים כ׳:כ״א
ויצא מלך ישראל ויך את הסוס ואת הרכב והכה בארם מכה גדולה׃
1 מְלָכִים כ״א:א׳
¶ ויהי אחר הדברים האלה כרם היה לנבות היזרעאלי אשר ביזרעאל אצל היכל אחאב מלך שמרון׃
1 מְלָכִים כ״ב:ל״ז
וימת המלך ויבוא שמרון ויקברו את המלך בשמרון׃
1 מְלָכִים כ״ב:ל״ח
וישטף את הרכב על ברכת שמרון וילקו הכלבים את דמו והזנות רחצו כדבר יהוה אשר דבר׃
2 מְלָכִים א׳:ב׳
ויפל אחזיה בעד השבכה בעליתו אשר בשמרון ויחל וישלח מלאכים ויאמר אלהם לכו דרשו בבעל זבוב אלהי עקרון אם אחיה מחלי זה׃
2 מְלָכִים א׳:ג׳
ומלאך יהוה דבר אל אליה התשבי קום עלה לקראת מלאכי מלך שמרון ודבר אלהם המבלי אין אלהים בישראל אתם הלכים לדרש בבעל זבוב אלהי עקרון׃
2 מְלָכִים ב׳:כ״ה
וילך משם אל הר הכרמל ומשם שב שמרון׃
2 מְלָכִים ג׳:א׳
¶ ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנה׃
2 מְלָכִים ג׳:ו׳
ויצא המלך יהורם ביום ההוא משמרון ויפקד את כל ישראל׃
2 מְלָכִים ה׳:ג׳
ותאמר אל גברתה אחלי אדני לפני הנביא אשר בשמרון אז יאסף אתו מצרעתו׃
2 מְלָכִים ו׳:כ״ד
ויהי אחרי כן ויקבץ בן הדד מלך ארם את כל מחנהו ויעל ויצר על שמרון׃
2 מְלָכִים ו׳:כ״ה
ויהי רעב גדול בשמרון והנה צרים עליה עד היות ראש חמור בשמנים כסף ורבע הקב חרייונים בחמשה כסף׃
2 מְלָכִים ו׳:כ״ו
ויהי מלך ישראל עבר על החמה ואשה צעקה אליו לאמר הושיעה אדני המלך׃
2 מְלָכִים ו׳:כ״ז
ויאמר אל יושעך יהוה מאין אושיעך המן הגרן או מן היקב׃
2 מְלָכִים ו׳:כ״ח
ויאמר לה המלך מה לך ותאמר האשה הזאת אמרה אלי תני את בנך ונאכלנו היום ואת בני נאכל מחר׃
2 מְלָכִים ו׳:כ״ט
ונבשל את בני ונאכלהו ואמר אליה ביום האחר תני את בנך ונאכלנו ותחבא את בנה׃
2 מְלָכִים ו׳:ל״ב
ואלישע ישב בביתו והזקנים ישבים אתו וישלח איש מלפניו בטרם יבא המלאך אליו והוא אמר אל הזקנים הראיתם כי שלח בן המרצח הזה להסיר את ראשי ראו כבא המלאך סגרו הדלת ולחצתם אתו בדלת הלוא קול רגלי אדניו אחריו׃
2 מְלָכִים ז׳:א׳
¶ ויאמר אלישע שמעו דבר יהוה כה אמר יהוה כעת מחר סאה סלת בשקל וסאתים שערים בשקל בשער שמרון׃
2 מְלָכִים ז׳:ב׳
ויען השליש אשר למלך נשען על ידו את איש האלהים ויאמר הנה יהוה עשה ארבות בשמים היהיה הדבר הזה ויאמר הנכה ראה בעיניך ומשם לא תאכל׃
2 מְלָכִים ז׳:ו׳
ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃
2 מְלָכִים ז׳:ז׳
ויקומו וינוסו בנשף ויעזבו את אהליהם ואת סוסיהם ואת חמריהם המחנה כאשר היא וינסו אל נפשם׃
2 מְלָכִים ז׳:ט״ז
ויצא העם ויבזו את מחנה ארם ויהי סאה סלת בשקל וסאתים שערים בשקל כדבר יהוה׃
2 מְלָכִים ז׳:י״ז
והמלך הפקיד את השליש אשר נשען על ידו על השער וירמסהו העם בשער וימת כאשר דבר איש האלהים אשר דבר ברדת המלך אליו׃

מציג 26–50 מתוך 87 פסוקים

הקודם 1 2 3 4 הבא