circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים ט״ו:י״אבערך תנ״א לפנה״ס

    כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃

  2. דְּבָרִים ט״ו:י״בבערך תנ״א לפנה״ס

    כי ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך׃

  3. דְּבָרִים ט״ו:י״גבערך תנ״א לפנה״ס

    וכי תשלחנו חפשי מעמך לא תשלחנו ריקם׃

  4. דְּבָרִים ט״ו:י״דבערך תנ״א לפנה״ס

    העניק תעניק לו מצאנך ומגרנך ומיקבך אשר ברכך יהוה אלהיך תתן לו׃

  5. דְּבָרִים ט״ו:ט״ובערך תנ״א לפנה״ס

    וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃

  6. דְּבָרִים ט״ו:ט״זבערך תנ״א לפנה״ס

    והיה כי יאמר אליך לא אצא מעמך כי אהבך ואת ביתך כי טוב לו עמך׃

  7. דְּבָרִים ט״ו:י״זבערך תנ״א לפנה״ס

    ולקחת את המרצע ונתתה באזנו ובדלת והיה לך עבד עולם ואף לאמתך תעשה כן׃

  8. דְּבָרִים ט״ו:י״חבערך תנ״א לפנה״ס

    לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

  9. דְּבָרִים ט״ו:י״טבערך תנ״א לפנה״ס

    כל הבכור אשר יולד בבקרך ובצאנך הזכר תקדיש ליהוה אלהיך לא תעבד בבכר שורך ולא תגז בכור צאנך׃

  10. דְּבָרִים ט״ו:כ׳בערך תנ״א לפנה״ס

    לפני יהוה אלהיך תאכלנו שנה בשנה במקום אשר יבחר יהוה אתה וביתך׃

  11. דְּבָרִים ט״ו:כ״אבערך תנ״א לפנה״ס

    וכי יהיה בו מום פסח או עור כל מום רע לא תזבחנו ליהוה אלהיך׃

  12. דְּבָרִים ט״ו:כ״בבערך תנ״א לפנה״ס

    בשעריך תאכלנו הטמא והטהור יחדו כצבי וכאיל׃

  13. דְּבָרִים ט״ו:כ״גבערך תנ״א לפנה״ס

    רק את דמו לא תאכל על הארץ תשפכנו כמים׃

  14. דְּבָרִים ט״ז:א׳בערך תנ״א לפנה״ס

    ¶ שמור את חדש האביב ועשית פסח ליהוה אלהיך כי בחדש האביב הוציאך יהוה אלהיך ממצרים לילה׃

  15. דְּבָרִים ט״ז:ב׳בערך תנ״א לפנה״ס

    וזבחת פסח ליהוה אלהיך צאן ובקר במקום אשר יבחר יהוה לשכן שמו שם׃

  16. דְּבָרִים ט״ז:ג׳בערך תנ״א לפנה״ס

    לא תאכל עליו חמץ שבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך׃

  17. דְּבָרִים ט״ז:ד׳בערך תנ״א לפנה״ס

    ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון לבקר׃

  18. דְּבָרִים ט״ז:ה׳בערך תנ״א לפנה״ס

    לא תוכל לזבח את הפסח באחד שעריך אשר יהוה אלהיך נתן לך׃

  19. דְּבָרִים ט״ז:ו׳בערך תנ״א לפנה״ס

    כי אם אל המקום אשר יבחר יהוה אלהיך לשכן שמו שם תזבח את הפסח בערב כבוא השמש מועד צאתך ממצרים׃

  20. דְּבָרִים ט״ז:ז׳בערך תנ״א לפנה״ס

    ובשלת ואכלת במקום אשר יבחר יהוה אלהיך בו ופנית בבקר והלכת לאהליך׃

  21. דְּבָרִים ט״ז:ח׳בערך תנ״א לפנה״ס

    ששת ימים תאכל מצות וביום השביעי עצרת ליהוה אלהיך לא תעשה מלאכה׃

  22. דְּבָרִים ט״ז:ט׳בערך תנ״א לפנה״ס

    שבעה שבעת תספר לך מהחל חרמש בקמה תחל לספר שבעה שבעות׃

  23. דְּבָרִים ט״ז:י׳בערך תנ״א לפנה״ס

    ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃

  24. דְּבָרִים ט״ז:י״אבערך תנ״א לפנה״ס

    ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃

  25. דְּבָרִים ט״ז:י״בבערך תנ״א לפנה״ס

    וזכרת כי עבד היית במצרים ושמרת ועשית את החקים האלה׃