circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים י״ד:ט״ובערך תנ״א לפנה״ס

    ואת בת היענה ואת התחמס ואת השחף ואת הנץ למינהו׃

  2. דְּבָרִים י״ד:ט״זבערך תנ״א לפנה״ס

    את הכוס ואת הינשוף והתנשמת׃

  3. דְּבָרִים י״ד:י״זבערך תנ״א לפנה״ס

    והקאת ואת הרחמה ואת השלך׃

  4. דְּבָרִים י״ד:י״חבערך תנ״א לפנה״ס

    והחסידה והאנפה למינה והדוכיפת והעטלף׃

  5. דְּבָרִים י״ד:י״טבערך תנ״א לפנה״ס

    וכל שרץ העוף טמא הוא לכם לא יאכלו׃

  6. דְּבָרִים י״ד:כ׳בערך תנ״א לפנה״ס

    כל עוף טהור תאכלו׃

  7. דְּבָרִים י״ד:כ״אבערך תנ״א לפנה״ס

    לא תאכלו כל נבלה לגר אשר בשעריך תתננה ואכלה או מכר לנכרי כי עם קדוש אתה ליהוה אלהיך לא תבשל גדי בחלב אמו׃

  8. דְּבָרִים י״ד:כ״בבערך תנ״א לפנה״ס

    עשר תעשר את כל תבואת זרעך היצא השדה שנה שנה׃

  9. דְּבָרִים י״ד:כ״גבערך תנ״א לפנה״ס

    ואכלת לפני יהוה אלהיך במקום אשר יבחר לשכן שמו שם מעשר דגנך תירשך ויצהרך ובכרת בקרך וצאנך למען תלמד ליראה את יהוה אלהיך כל הימים׃

  10. דְּבָרִים י״ד:כ״דבערך תנ״א לפנה״ס

    וכי ירבה ממך הדרך כי לא תוכל שאתו כי ירחק ממך המקום אשר יבחר יהוה אלהיך לשום שמו שם כי יברכך יהוה אלהיך׃

  11. דְּבָרִים י״ד:כ״הבערך תנ״א לפנה״ס

    ונתתה בכסף וצרת הכסף בידך והלכת אל המקום אשר יבחר יהוה אלהיך בו׃

  12. דְּבָרִים י״ד:כ״ובערך תנ״א לפנה״ס

    ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלך נפשך ואכלת שם לפני יהוה אלהיך ושמחת אתה וביתך׃

  13. דְּבָרִים י״ד:כ״זבערך תנ״א לפנה״ס

    והלוי אשר בשעריך לא תעזבנו כי אין לו חלק ונחלה עמך׃

  14. דְּבָרִים י״ד:כ״חבערך תנ״א לפנה״ס

    מקצה שלש שנים תוציא את כל מעשר תבואתך בשנה ההוא והנחת בשעריך׃

  15. דְּבָרִים י״ד:כ״טבערך תנ״א לפנה״ס

    ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו למען יברכך יהוה אלהיך בכל מעשה ידך אשר תעשה׃

  16. דְּבָרִים ט״ו:א׳בערך תנ״א לפנה״ס

    ¶ מקץ שבע שנים תעשה שמטה׃

  17. דְּבָרִים ט״ו:ב׳בערך תנ״א לפנה״ס

    וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

  18. דְּבָרִים ט״ו:ג׳בערך תנ״א לפנה״ס

    את הנכרי תגש ואשר יהיה לך את אחיך תשמט ידך׃

  19. דְּבָרִים ט״ו:ד׳בערך תנ״א לפנה״ס

    אפס כי לא יהיה בך אביון כי ברך יברכך יהוה בארץ אשר יהוה אלהיך נתן לך נחלה לרשתה׃

  20. דְּבָרִים ט״ו:ה׳בערך תנ״א לפנה״ס

    רק אם שמוע תשמע בקול יהוה אלהיך לשמר לעשות את כל המצוה הזאת אשר אנכי מצוך היום׃

  21. דְּבָרִים ט״ו:ו׳בערך תנ״א לפנה״ס

    כי יהוה אלהיך ברכך כאשר דבר לך והעבטת גוים רבים ואתה לא תעבט ומשלת בגוים רבים ובך לא ימשלו׃

  22. דְּבָרִים ט״ו:ז׳בערך תנ״א לפנה״ס

    כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

  23. דְּבָרִים ט״ו:ח׳בערך תנ״א לפנה״ס

    כי פתח תפתח את ידך לו והעבט תעביטנו די מחסרו אשר יחסר לו׃

  24. דְּבָרִים ט״ו:ט׳בערך תנ״א לפנה״ס

    השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

  25. דְּבָרִים ט״ו:י׳בערך תנ״א לפנה״ס

    נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך׃