circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים י״ז:ט״זבערך תנ״א לפנה״ס

    רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד׃

  2. דְּבָרִים י״ז:י״זבערך תנ״א לפנה״ס

    ולא ירבה לו נשים ולא יסור לבבו וכסף וזהב לא ירבה לו מאד׃

  3. דְּבָרִים י״ז:י״חבערך תנ״א לפנה״ס

    והיה כשבתו על כסא ממלכתו וכתב לו את משנה התורה הזאת על ספר מלפני הכהנים הלוים׃

  4. דְּבָרִים י״ז:י״טבערך תנ״א לפנה״ס

    והיתה עמו וקרא בו כל ימי חייו למען ילמד ליראה את יהוה אלהיו לשמר את כל דברי התורה הזאת ואת החקים האלה לעשתם׃

  5. דְּבָרִים י״ז:כ׳בערך תנ״א לפנה״ס

    לבלתי רום לבבו מאחיו ולבלתי סור מן המצוה ימין ושמאול למען יאריך ימים על ממלכתו הוא ובניו בקרב ישראל׃

  6. דְּבָרִים י״ח:א׳בערך תנ״א לפנה״ס

    ¶ לא יהיה לכהנים הלוים כל שבט לוי חלק ונחלה עם ישראל אשי יהוה ונחלתו יאכלון׃

  7. דְּבָרִים י״ח:ב׳בערך תנ״א לפנה״ס

    ונחלה לא יהיה לו בקרב אחיו יהוה הוא נחלתו כאשר דבר לו׃

  8. דְּבָרִים י״ח:ג׳בערך תנ״א לפנה״ס

    וזה יהיה משפט הכהנים מאת העם מאת זבחי הזבח אם שור אם שה ונתן לכהן הזרע והלחיים והקבה׃

  9. דְּבָרִים י״ח:ד׳בערך תנ״א לפנה״ס

    ראשית דגנך תירשך ויצהרך וראשית גז צאנך תתן לו׃

  10. דְּבָרִים י״ח:ה׳בערך תנ״א לפנה״ס

    כי בו בחר יהוה אלהיך מכל שבטיך לעמד לשרת בשם יהוה הוא ובניו כל הימים׃

  11. דְּבָרִים י״ח:ו׳בערך תנ״א לפנה״ס

    וכי יבא הלוי מאחד שעריך מכל ישראל אשר הוא גר שם ובא בכל אות נפשו אל המקום אשר יבחר יהוה׃

  12. דְּבָרִים י״ח:ז׳בערך תנ״א לפנה״ס

    ושרת בשם יהוה אלהיו ככל אחיו הלוים העמדים שם לפני יהוה׃

  13. דְּבָרִים י״ח:ח׳בערך תנ״א לפנה״ס

    חלק כחלק יאכלו לבד ממכריו על האבות׃

  14. דְּבָרִים י״ח:ט׳בערך תנ״א לפנה״ס

    כי אתה בא אל הארץ אשר יהוה אלהיך נתן לך לא תלמד לעשות כתועבת הגוים ההם׃

  15. דְּבָרִים י״ח:י׳בערך תנ״א לפנה״ס

    לא ימצא בך מעביר בנו ובתו באש קסם קסמים מעונן ומנחש ומכשף׃

  16. דְּבָרִים י״ח:י״אבערך תנ״א לפנה״ס

    וחבר חבר ושאל אוב וידעני ודרש אל המתים׃

  17. דְּבָרִים י״ח:י״בבערך תנ״א לפנה״ס

    כי תועבת יהוה כל עשה אלה ובגלל התועבת האלה יהוה אלהיך מוריש אותם מפניך׃

  18. דְּבָרִים י״ח:י״גבערך תנ״א לפנה״ס

    תמים תהיה עם יהוה אלהיך׃

  19. דְּבָרִים י״ח:י״דבערך תנ״א לפנה״ס

    כי הגוים האלה אשר אתה יורש אותם אל מעננים ואל קסמים ישמעו ואתה לא כן נתן לך יהוה אלהיך׃

  20. דְּבָרִים י״ח:ט״ובערך תנ״א לפנה״ס

    נביא מקרבך מאחיך כמני יקים לך יהוה אלהיך אליו תשמעון׃

  21. דְּבָרִים י״ח:ט״זבערך תנ״א לפנה״ס

    ככל אשר שאלת מעם יהוה אלהיך בחרב ביום הקהל לאמר לא אסף לשמע את קול יהוה אלהי ואת האש הגדלה הזאת לא אראה עוד ולא אמות׃

  22. דְּבָרִים י״ח:י״זבערך תנ״א לפנה״ס

    ויאמר יהוה אלי היטיבו אשר דברו׃

  23. דְּבָרִים י״ח:י״חבערך תנ״א לפנה״ס

    נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו׃

  24. דְּבָרִים י״ח:י״טבערך תנ״א לפנה״ס

    והיה האיש אשר לא ישמע אל דברי אשר ידבר בשמי אנכי אדרש מעמו׃

  25. דְּבָרִים י״ח:כ׳בערך תנ״א לפנה״ס

    אך הנביא אשר יזיד לדבר דבר בשמי את אשר לא צויתיו לדבר ואשר ידבר בשם אלהים אחרים ומת הנביא ההוא׃