circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא כ״ב:ד׳בערך ת״צ לפנה״ס

    איש איש מזרע אהרן והוא צרוע או זב בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרע׃

  2. וַיִּקְרָא כ״ב:ה׳בערך ת״צ לפנה״ס

    או איש אשר יגע בכל שרץ אשר יטמא לו או באדם אשר יטמא לו לכל טמאתו׃

  3. וַיִּקְרָא כ״ב:ו׳בערך ת״צ לפנה״ס

    נפש אשר תגע בו וטמאה עד הערב ולא יאכל מן הקדשים כי אם רחץ בשרו במים׃

  4. וַיִּקְרָא כ״ב:ז׳בערך ת״צ לפנה״ס

    ובא השמש וטהר ואחר יאכל מן הקדשים כי לחמו הוא׃

  5. וַיִּקְרָא כ״ב:ח׳בערך ת״צ לפנה״ס

    נבלה וטרפה לא יאכל לטמאה בה אני יהוה׃

  6. וַיִּקְרָא כ״ב:ט׳בערך ת״צ לפנה״ס

    ושמרו את משמרתי ולא ישאו עליו חטא ומתו בו כי יחללהו אני יהוה מקדשם׃

  7. וַיִּקְרָא כ״ב:י׳בערך ת״צ לפנה״ס

    וכל זר לא יאכל קדש תושב כהן ושכיר לא יאכל קדש׃

  8. וַיִּקְרָא כ״ב:י״אבערך ת״צ לפנה״ס

    וכהן כי יקנה נפש קנין כספו הוא יאכל בו ויליד ביתו הם יאכלו בלחמו׃

  9. וַיִּקְרָא כ״ב:י״בבערך ת״צ לפנה״ס

    ובת כהן כי תהיה לאיש זר הוא בתרומת הקדשים לא תאכל׃

  10. וַיִּקְרָא כ״ב:י״גבערך ת״צ לפנה״ס

    ובת כהן כי תהיה אלמנה וגרושה וזרע אין לה ושבה אל בית אביה כנעוריה מלחם אביה תאכל וכל זר לא יאכל בו׃

  11. וַיִּקְרָא כ״ב:י״דבערך ת״צ לפנה״ס

    ואיש כי יאכל קדש בשגגה ויסף חמשיתו עליו ונתן לכהן את הקדש׃

  12. וַיִּקְרָא כ״ב:ט״ובערך ת״צ לפנה״ס

    ולא יחללו את קדשי בני ישראל את אשר ירימו ליהוה׃

  13. וַיִּקְרָא כ״ב:ט״זבערך ת״צ לפנה״ס

    והשיאו אותם עון אשמה באכלם את קדשיהם כי אני יהוה מקדשם׃

  14. וַיִּקְרָא כ״ב:י״זבערך ת״צ לפנה״ס

    וידבר יהוה אל משה לאמר׃

  15. וַיִּקְרָא כ״ב:י״חבערך ת״צ לפנה״ס

    דבר אל אהרן ואל בניו ואל כל בני ישראל ואמרת אלהם איש איש מבית ישראל ומן הגר בישראל אשר יקריב קרבנו לכל נדריהם ולכל נדבותם אשר יקריבו ליהוה לעלה׃

  16. וַיִּקְרָא כ״ב:י״טבערך ת״צ לפנה״ס

    לרצנכם תמים זכר בבקר בכשבים ובעזים׃

  17. וַיִּקְרָא כ״ב:כ׳בערך ת״צ לפנה״ס

    כל אשר בו מום לא תקריבו כי לא לרצון יהיה לכם׃

  18. וַיִּקְרָא כ״ב:כ״אבערך ת״צ לפנה״ס

    ואיש כי יקריב זבח שלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה בו׃

  19. וַיִּקְרָא כ״ב:כ״בבערך ת״צ לפנה״ס

    עורת או שבור או חרוץ או יבלת או גרב או ילפת לא תקריבו אלה ליהוה ואשה לא תתנו מהם על המזבח ליהוה׃

  20. וַיִּקְרָא כ״ב:כ״גבערך ת״צ לפנה״ס

    ושור ושה שרוע וקלוט נדבה תעשה אתו ולנדר לא ירצה׃

  21. וַיִּקְרָא כ״ב:כ״דבערך ת״צ לפנה״ס

    ומעוך וכתות ונתוק וכרות לא תקריבו ליהוה ובארצכם לא תעשו׃

  22. וַיִּקְרָא כ״ב:כ״הבערך ת״צ לפנה״ס

    ומיד בן נכר לא תקריבו את לחם אלהיכם מכל אלה כי משחתם בהם מום בם לא ירצו לכם׃

  23. וַיִּקְרָא כ״ב:כ״ובערך ת״צ לפנה״ס

    וידבר יהוה אל משה לאמר׃

  24. וַיִּקְרָא כ״ב:כ״זבערך ת״צ לפנה״ס

    שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוה׃

  25. וַיִּקְרָא כ״ב:כ״חבערך ת״צ לפנה״ס

    ושור או שה אתו ואת בנו לא תשחטו ביום אחד׃