circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא כ״ב:כ״טבערך ת״צ לפנה״ס

    וכי תזבחו זבח תודה ליהוה לרצנכם תזבחו׃

  2. וַיִּקְרָא כ״ב:ל׳בערך ת״צ לפנה״ס

    ביום ההוא יאכל לא תותירו ממנו עד בקר אני יהוה׃

  3. וַיִּקְרָא כ״ב:ל״אבערך ת״צ לפנה״ס

    ושמרתם מצותי ועשיתם אתם אני יהוה׃

  4. וַיִּקְרָא כ״ב:ל״בבערך ת״צ לפנה״ס

    ולא תחללו את שם קדשי ונקדשתי בתוך בני ישראל אני יהוה מקדשכם׃

  5. וַיִּקְרָא כ״ב:ל״גבערך ת״צ לפנה״ס

    המוציא אתכם מארץ מצרים להיות לכם לאלהים אני יהוה׃

  6. וַיִּקְרָא כ״ג:א׳בערך ת״צ לפנה״ס

    ¶ וידבר יהוה אל משה לאמר׃

  7. וַיִּקְרָא כ״ג:ב׳בערך ת״צ לפנה״ס

    דבר אל בני ישראל ואמרת אלהם מועדי יהוה אשר תקראו אתם מקראי קדש אלה הם מועדי׃

  8. וַיִּקְרָא כ״ג:ג׳בערך ת״צ לפנה״ס

    ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכם׃

  9. וַיִּקְרָא כ״ג:ד׳בערך ת״צ לפנה״ס

    אלה מועדי יהוה מקראי קדש אשר תקראו אתם במועדם׃

  10. וַיִּקְרָא כ״ג:ה׳בערך ת״צ לפנה״ס

    בחדש הראשון בארבעה עשר לחדש בין הערבים פסח ליהוה׃

  11. וַיִּקְרָא כ״ג:ו׳בערך ת״צ לפנה״ס

    ובחמשה עשר יום לחדש הזה חג המצות ליהוה שבעת ימים מצות תאכלו׃

  12. וַיִּקְרָא כ״ג:ז׳בערך ת״צ לפנה״ס

    ביום הראשון מקרא קדש יהיה לכם כל מלאכת עבדה לא תעשו׃

  13. וַיִּקְרָא כ״ג:ח׳בערך ת״צ לפנה״ס

    והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשו׃

  14. וַיִּקְרָא כ״ג:ט׳בערך ת״צ לפנה״ס

    וידבר יהוה אל משה לאמר׃

  15. וַיִּקְרָא כ״ג:י׳בערך ת״צ לפנה״ס

    דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃

  16. וַיִּקְרָא כ״ג:י״אבערך ת״צ לפנה״ס

    והניף את העמר לפני יהוה לרצנכם ממחרת השבת יניפנו הכהן׃

  17. וַיִּקְרָא כ״ג:י״בבערך ת״צ לפנה״ס

    ועשיתם ביום הניפכם את העמר כבש תמים בן שנתו לעלה ליהוה׃

  18. וַיִּקְרָא כ״ג:י״גבערך ת״צ לפנה״ס

    ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃

  19. וַיִּקְרָא כ״ג:י״דבערך ת״צ לפנה״ס

    ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃

  20. וַיִּקְרָא כ״ג:ט״ובערך ת״צ לפנה״ס

    וספרתם לכם ממחרת השבת מיום הביאכם את עמר התנופה שבע שבתות תמימת תהיינה׃

  21. וַיִּקְרָא כ״ג:ט״זבערך ת״צ לפנה״ס

    עד ממחרת השבת השביעת תספרו חמשים יום והקרבתם מנחה חדשה ליהוה׃

  22. וַיִּקְרָא כ״ג:י״זבערך ת״צ לפנה״ס

    ממושבתיכם תביאו לחם תנופה שתים שני עשרנים סלת תהיינה חמץ תאפינה בכורים ליהוה׃

  23. וַיִּקְרָא כ״ג:י״חבערך ת״צ לפנה״ס

    והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוה׃

  24. וַיִּקְרָא כ״ג:י״טבערך ת״צ לפנה״ס

    ועשיתם שעיר עזים אחד לחטאת ושני כבשים בני שנה לזבח שלמים׃

  25. וַיִּקְרָא כ״ג:כ׳בערך ת״צ לפנה״ס

    והניף הכהן אתם על לחם הבכורים תנופה לפני יהוה על שני כבשים קדש יהיו ליהוה לכהן׃