circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא כ״א:ג׳בערך ת״צ לפנה״ס

    ולאחתו הבתולה הקרובה אליו אשר לא היתה לאיש לה יטמא׃

  2. וַיִּקְרָא כ״א:ד׳בערך ת״צ לפנה״ס

    לא יטמא בעל בעמיו להחלו׃

  3. וַיִּקְרָא כ״א:ה׳בערך ת״צ לפנה״ס

    לא יקרחה קרחה בראשם ופאת זקנם לא יגלחו ובבשרם לא ישרטו שרטת׃

  4. וַיִּקְרָא כ״א:ו׳בערך ת״צ לפנה״ס

    קדשים יהיו לאלהיהם ולא יחללו שם אלהיהם כי את אשי יהוה לחם אלהיהם הם מקריבם והיו קדש׃

  5. וַיִּקְרָא כ״א:ז׳בערך ת״צ לפנה״ס

    אשה זנה וחללה לא יקחו ואשה גרושה מאישה לא יקחו כי קדש הוא לאלהיו׃

  6. וַיִּקְרָא כ״א:ח׳בערך ת״צ לפנה״ס

    וקדשתו כי את לחם אלהיך הוא מקריב קדש יהיה לך כי קדוש אני יהוה מקדשכם׃

  7. וַיִּקְרָא כ״א:ט׳בערך ת״צ לפנה״ס

    ובת איש כהן כי תחל לזנות את אביה היא מחללת באש תשרף׃

  8. וַיִּקְרָא כ״א:י׳בערך ת״צ לפנה״ס

    והכהן הגדול מאחיו אשר יוצק על ראשו שמן המשחה ומלא את ידו ללבש את הבגדים את ראשו לא יפרע ובגדיו לא יפרם׃

  9. וַיִּקְרָא כ״א:י״אבערך ת״צ לפנה״ס

    ועל כל נפשת מת לא יבא לאביו ולאמו לא יטמא׃

  10. וַיִּקְרָא כ״א:י״בבערך ת״צ לפנה״ס

    ומן המקדש לא יצא ולא יחלל את מקדש אלהיו כי נזר שמן משחת אלהיו עליו אני יהוה׃

  11. וַיִּקְרָא כ״א:י״גבערך ת״צ לפנה״ס

    והוא אשה בבתוליה יקח׃

  12. וַיִּקְרָא כ״א:י״דבערך ת״צ לפנה״ס

    אלמנה וגרושה וחללה זנה את אלה לא יקח כי אם בתולה מעמיו יקח אשה׃

  13. וַיִּקְרָא כ״א:ט״ובערך ת״צ לפנה״ס

    ולא יחלל זרעו בעמיו כי אני יהוה מקדשו׃

  14. וַיִּקְרָא כ״א:ט״זבערך ת״צ לפנה״ס

    וידבר יהוה אל משה לאמר׃

  15. וַיִּקְרָא כ״א:י״זבערך ת״צ לפנה״ס

    דבר אל אהרן לאמר איש מזרעך לדרתם אשר יהיה בו מום לא יקרב להקריב לחם אלהיו׃

  16. וַיִּקְרָא כ״א:י״חבערך ת״צ לפנה״ס

    כי כל איש אשר בו מום לא יקרב איש עור או פסח או חרם או שרוע׃

  17. וַיִּקְרָא כ״א:י״טבערך ת״צ לפנה״ס

    או איש אשר יהיה בו שבר רגל או שבר יד׃

  18. וַיִּקְרָא כ״א:כ׳בערך ת״צ לפנה״ס

    או גבן או דק או תבלל בעינו או גרב או ילפת או מרוח אשך׃

  19. וַיִּקְרָא כ״א:כ״אבערך ת״צ לפנה״ס

    כל איש אשר בו מום מזרע אהרן הכהן לא יגש להקריב את אשי יהוה מום בו את לחם אלהיו לא יגש להקריב׃

  20. וַיִּקְרָא כ״א:כ״בבערך ת״צ לפנה״ס

    לחם אלהיו מקדשי הקדשים ומן הקדשים יאכל׃

  21. וַיִּקְרָא כ״א:כ״גבערך ת״צ לפנה״ס

    אך אל הפרכת לא יבא ואל המזבח לא יגש כי מום בו ולא יחלל את מקדשי כי אני יהוה מקדשם׃

  22. וַיִּקְרָא כ״א:כ״דבערך ת״צ לפנה״ס

    וידבר משה אל אהרן ואל בניו ואל כל בני ישראל׃

  23. וַיִּקְרָא כ״ב:א׳בערך ת״צ לפנה״ס

    ¶ וידבר יהוה אל משה לאמר׃

  24. וַיִּקְרָא כ״ב:ב׳בערך ת״צ לפנה״ס

    דבר אל אהרן ואל בניו וינזרו מקדשי בני ישראל ולא יחללו את שם קדשי אשר הם מקדשים לי אני יהוה׃

  25. וַיִּקְרָא כ״ב:ג׳בערך ת״צ לפנה״ס

    אמר אלהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההוא מלפני אני יהוה׃