circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. וַיִּקְרָא י״א:כ״ובערך ת״צ לפנה״ס

    לכל הבהמה אשר הוא מפרסת פרסה ושסע איננה שסעת וגרה איננה מעלה טמאים הם לכם כל הנגע בהם יטמא׃

  2. וַיִּקְרָא י״א:כ״זבערך ת״צ לפנה״ס

    וכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב׃

  3. וַיִּקְרָא י״א:כ״חבערך ת״צ לפנה״ס

    והנשא את נבלתם יכבס בגדיו וטמא עד הערב טמאים המה לכם׃

  4. וַיִּקְרָא י״א:כ״טבערך ת״צ לפנה״ס

    וזה לכם הטמא בשרץ השרץ על הארץ החלד והעכבר והצב למינהו׃

  5. וַיִּקְרָא י״א:ל׳בערך ת״צ לפנה״ס

    והאנקה והכח והלטאה והחמט והתנשמת׃

  6. וַיִּקְרָא י״א:ל״אבערך ת״צ לפנה״ס

    אלה הטמאים לכם בכל השרץ כל הנגע בהם במתם יטמא עד הערב׃

  7. וַיִּקְרָא י״א:ל״בבערך ת״צ לפנה״ס

    וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר׃

  8. וַיִּקְרָא י״א:ל״גבערך ת״צ לפנה״ס

    וכל כלי חרש אשר יפל מהם אל תוכו כל אשר בתוכו יטמא ואתו תשברו׃

  9. וַיִּקְרָא י״א:ל״דבערך ת״צ לפנה״ס

    מכל האכל אשר יאכל אשר יבוא עליו מים יטמא וכל משקה אשר ישתה בכל כלי יטמא׃

  10. וַיִּקְרָא י״א:ל״הבערך ת״צ לפנה״ס

    וכל אשר יפל מנבלתם עליו יטמא תנור וכירים יתץ טמאים הם וטמאים יהיו לכם׃

  11. וַיִּקְרָא י״א:ל״ובערך ת״צ לפנה״ס

    אך מעין ובור מקוה מים יהיה טהור ונגע בנבלתם יטמא׃

  12. וַיִּקְרָא י״א:ל״זבערך ת״צ לפנה״ס

    וכי יפל מנבלתם על כל זרע זרוע אשר יזרע טהור הוא׃

  13. וַיִּקְרָא י״א:ל״חבערך ת״צ לפנה״ס

    וכי יתן מים על זרע ונפל מנבלתם עליו טמא הוא לכם׃

  14. וַיִּקְרָא י״א:ל״טבערך ת״צ לפנה״ס

    וכי ימות מן הבהמה אשר היא לכם לאכלה הנגע בנבלתה יטמא עד הערב׃

  15. וַיִּקְרָא י״א:מ׳בערך ת״צ לפנה״ס

    והאכל מנבלתה יכבס בגדיו וטמא עד הערב והנשא את נבלתה יכבס בגדיו וטמא עד הערב׃

  16. וַיִּקְרָא י״א:מ״אבערך ת״צ לפנה״ס

    וכל השרץ השרץ על הארץ שקץ הוא לא יאכל׃

  17. וַיִּקְרָא י״א:מ״בבערך ת״צ לפנה״ס

    כל הולך על גחון וכל הולך על ארבע עד כל מרבה רגלים לכל השרץ השרץ על הארץ לא תאכלום כי שקץ הם׃

  18. וַיִּקְרָא י״א:מ״גבערך ת״צ לפנה״ס

    אל תשקצו את נפשתיכם בכל השרץ השרץ ולא תטמאו בהם ונטמתם בם׃

  19. וַיִּקְרָא י״א:מ״דבערך ת״צ לפנה״ס

    כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ׃

  20. וַיִּקְרָא י״א:מ״הבערך ת״צ לפנה״ס

    כי אני יהוה המעלה אתכם מארץ מצרים להית לכם לאלהים והייתם קדשים כי קדוש אני׃

  21. וַיִּקְרָא י״א:מ״ובערך ת״צ לפנה״ס

    זאת תורת הבהמה והעוף וכל נפש החיה הרמשת במים ולכל נפש השרצת על הארץ׃

  22. וַיִּקְרָא י״א:מ״זבערך ת״צ לפנה״ס

    להבדיל בין הטמא ובין הטהר ובין החיה הנאכלת ובין החיה אשר לא תאכל׃

  23. וַיִּקְרָא י״ב:א׳בערך ת״צ לפנה״ס

    ¶ וידבר יהוה אל משה לאמר׃

  24. וַיִּקְרָא י״ב:ב׳בערך ת״צ לפנה״ס

    דבר אל בני ישראל לאמר אשה כי תזריע וילדה זכר וטמאה שבעת ימים כימי נדת דותה תטמא׃

  25. וַיִּקְרָא י״ב:ג׳בערך ת״צ לפנה״ס

    וביום השמיני ימול בשר ערלתו׃