Jerusalem

753 verses · 2 known names

ידוע גם בשם: Jerusalem's

31.7700, 35.2300 הצג במפות גוגל

פסוקים המזכירים את Jerusalem

סינון לפי ספר
  1. יִרְמְיָהוּ ד׳:י״ד

    כבסי מרעה לבך ירושלם למען תושעי עד מתי תלין בקרבך מחשבות אונך׃

  2. יִרְמְיָהוּ ד׳:ט״ז

    הזכירו לגוים הנה השמיעו על ירושלם נצרים באים מארץ המרחק ויתנו על ערי יהודה קולם׃

  3. יִרְמְיָהוּ ה׳:א׳

    ¶ שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה ואסלח לה׃

  4. יִרְמְיָהוּ ו׳:א׳

    ¶ העזו בני בנימן מקרב ירושלם ובתקוע תקעו שופר ועל בית הכרם שאו משאת כי רעה נשקפה מצפון ושבר גדול׃

  5. יִרְמְיָהוּ ו׳:ו׳

    כי כה אמר יהוה צבאות כרתו עצה ושפכו על ירושלם סללה היא העיר הפקד כלה עשק בקרבה׃

  6. יִרְמְיָהוּ ו׳:ח׳

    הוסרי ירושלם פן תקע נפשי ממך פן אשימך שממה ארץ לוא נושבה׃

  7. יִרְמְיָהוּ ז׳:י״ז

    האינך ראה מה המה עשים בערי יהודה ובחצות ירושלם׃

  8. יִרְמְיָהוּ ז׳:ל״ד

    והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץ׃

  9. יִרְמְיָהוּ ח׳:א׳

    ¶ בעת ההיא נאם יהוה ויציאו את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם מקבריהם׃

  10. יִרְמְיָהוּ ט׳:י״א

    ונתתי את ירושלם לגלים מעון תנים ואת ערי יהודה אתן שממה מבלי יושב׃

  11. יִרְמְיָהוּ י״א:ב׳

    שמעו את דברי הברית הזאת ודברתם אל איש יהודה ועל ישבי ירושלם׃

  12. יִרְמְיָהוּ י״א:ו׳

    ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותם׃

  13. יִרְמְיָהוּ י״א:ט׳

    ויאמר יהוה אלי נמצא קשר באיש יהודה ובישבי ירושלם׃

  14. יִרְמְיָהוּ י״א:י״ב

    והלכו ערי יהודה וישבי ירושלם וזעקו אל האלהים אשר הם מקטרים להם והושע לא יושיעו להם בעת רעתם׃

  15. יִרְמְיָהוּ י״א:י״ג

    כי מספר עריך היו אלהיך יהודה ומספר חצות ירושלם שמתם מזבחות לבשת מזבחות לקטר לבעל׃

  16. יִרְמְיָהוּ י״ג:ט׳

    כה אמר יהוה ככה אשחית את גאון יהודה ואת גאון ירושלם הרב׃

  17. יִרְמְיָהוּ י״ג:י״ג

    ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנביאים ואת כל ישבי ירושלם שכרון׃

  18. יִרְמְיָהוּ י״ג:כ״ז

    נאפיך ומצהלותיך זמת זנותך על גבעות בשדה ראיתי שקוציך אוי לך ירושלם לא תטהרי אחרי מתי עד׃

  19. יִרְמְיָהוּ י״ד:ב׳

    אבלה יהודה ושעריה אמללו קדרו לארץ וצוחת ירושלם עלתה׃

  20. יִרְמְיָהוּ י״ד:ט״ז

    והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה המה נשיהם ובניהם ובנתיהם ושפכתי עליהם את רעתם׃

  21. יִרְמְיָהוּ ט״ו:ד׳

    ונתתים לזועה לכל ממלכות הארץ בגלל מנשה בן יחזקיהו מלך יהודה על אשר עשה בירושלם׃

  22. יִרְמְיָהוּ ט״ו:ה׳

    כי מי יחמל עליך ירושלם ומי ינוד לך ומי יסור לשאל לשלם לך׃

  23. יִרְמְיָהוּ י״ז:י״ט

    כה אמר יהוה אלי הלך ועמדת בשער בני עם אשר יבאו בו מלכי יהודה ואשר יצאו בו ובכל שערי ירושלם׃

  24. יִרְמְיָהוּ י״ז:כ׳

    ואמרת אליהם שמעו דבר יהוה מלכי יהודה וכל יהודה וכל ישבי ירושלם הבאים בשערים האלה׃

  25. יִרְמְיָהוּ י״ז:כ״א

    כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃