Jerusalem

753 verses · 2 known names

ידוע גם בשם: Jerusalem's

31.7700, 35.2300 הצג במפות גוגל

פסוקים המזכירים את Jerusalem

סינון לפי ספר
  1. יִרְמְיָהוּ ל״ב:ל״ב

    על כל רעת בני ישראל ובני יהודה אשר עשו להכעסני המה מלכיהם שריהם כהניהם ונביאיהם ואיש יהודה וישבי ירושלם׃

  2. יִרְמְיָהוּ ל״ב:מ״ד

    שדות בכסף יקנו וכתוב בספר וחתום והעד עדים בארץ בנימן ובסביבי ירושלם ובערי יהודה ובערי ההר ובערי השפלה ובערי הנגב כי אשיב את שבותם נאם יהוה׃

  3. יִרְמְיָהוּ ל״ג:י׳

    כה אמר יהוה עוד ישמע במקום הזה אשר אתם אמרים חרב הוא מאין אדם ומאין בהמה בערי יהודה ובחצות ירושלם הנשמות מאין אדם ומאין יושב ומאין בהמה׃

  4. יִרְמְיָהוּ ל״ג:י״ג

    בערי ההר בערי השפלה ובערי הנגב ובארץ בנימן ובסביבי ירושלם ובערי יהודה עד תעברנה הצאן על ידי מונה אמר יהוה׃

  5. יִרְמְיָהוּ ל״ג:ט״ז

    בימים ההם תושע יהודה וירושלם תשכון לבטח וזה אשר יקרא לה יהוה צדקנו׃

  6. יִרְמְיָהוּ ל״ד:א׳

    ¶ הדבר אשר היה אל ירמיהו מאת יהוה ונבוכדראצר מלך בבל וכל חילו וכל ממלכות ארץ ממשלת ידו וכל העמים נלחמים על ירושלם ועל כל עריה לאמר׃

  7. יִרְמְיָהוּ ל״ד:ו׳

    וידבר ירמיהו הנביא אל צדקיהו מלך יהודה את כל הדברים האלה בירושלם׃

  8. יִרְמְיָהוּ ל״ד:ז׳

    וחיל מלך בבל נלחמים על ירושלם ועל כל ערי יהודה הנותרות אל לכיש ואל עזקה כי הנה נשארו בערי יהודה ערי מבצר׃

  9. יִרְמְיָהוּ ל״ד:ח׳

    הדבר אשר היה אל ירמיהו מאת יהוה אחרי כרת המלך צדקיהו ברית את כל העם אשר בירושלם לקרא להם דרור׃

  10. יִרְמְיָהוּ ל״ד:י״ט

    שרי יהודה ושרי ירושלם הסרסים והכהנים וכל עם הארץ העברים בין בתרי העגל׃

  11. יִרְמְיָהוּ ל״ה:י״א

    ויהי בעלות נבוכדראצר מלך בבל אל הארץ ונאמר באו ונבוא ירושלם מפני חיל הכשדים ומפני חיל ארם ונשב בירושלם׃

  12. יִרְמְיָהוּ ל״ה:י״ג

    כה אמר יהוה צבאות אלהי ישראל הלך ואמרת לאיש יהודה וליושבי ירושלם הלוא תקחו מוסר לשמע אל דברי נאם יהוה׃

  13. יִרְמְיָהוּ ל״ה:י״ז

    לכן כה אמר יהוה אלהי צבאות אלהי ישראל הנני מביא אל יהודה ואל כל יושבי ירושלם את כל הרעה אשר דברתי עליהם יען דברתי אליהם ולא שמעו ואקרא להם ולא ענו׃

  14. יִרְמְיָהוּ ל״ו:ט׳

    ויהי בשנה החמשית ליהויקים בן יאשיהו מלך יהודה בחדש התשעי קראו צום לפני יהוה כל העם בירושלם וכל העם הבאים מערי יהודה בירושלם׃

  15. יִרְמְיָהוּ ל״ו:ל״א

    ופקדתי עליו ועל זרעו ועל עבדיו את עונם והבאתי עליהם ועל ישבי ירושלם ואל איש יהודה את כל הרעה אשר דברתי אליהם ולא שמעו׃

  16. יִרְמְיָהוּ ל״ז:ה׳

    וחיל פרעה יצא ממצרים וישמעו הכשדים הצרים על ירושלם את שמעם ויעלו מעל ירושלם׃

  17. יִרְמְיָהוּ ל״ז:י״א

    והיה בהעלות חיל הכשדים מעל ירושלם מפני חיל פרעה׃

  18. יִרְמְיָהוּ ל״ז:י״ב

    ויצא ירמיהו מירושלם ללכת ארץ בנימן לחלק משם בתוך העם׃

  19. יִרְמְיָהוּ ל״ח:כ״ח

    וישב ירמיהו בחצר המטרה עד יום אשר נלכדה ירושלם והיה כאשר נלכדה ירושלם׃

  20. יִרְמְיָהוּ ל״ט:א׳

    ¶ בשנה התשעית לצדקיהו מלך יהודה בחדש העשרי בא נבוכדראצר מלך בבל וכל חילו אל ירושלם ויצרו עליה׃

  21. יִרְמְיָהוּ ל״ט:ח׳

    ואת בית המלך ואת בית העם שרפו הכשדים באש ואת חמות ירושלם נתצו׃

  22. יִרְמְיָהוּ מ׳:א׳

    ¶ הדבר אשר היה אל ירמיהו מאת יהוה אחר שלח אתו נבוזראדן רב טבחים מן הרמה בקחתו אתו והוא אסור באזקים בתוך כל גלות ירושלם ויהודה המגלים בבלה׃

  23. יִרְמְיָהוּ מ״ב:י״ח

    כי כה אמר יהוה צבאות אלהי ישראל כאשר נתך אפי וחמתי על ישבי ירושלם כן תתך חמתי עליכם בבאכם מצרים והייתם לאלה ולשמה ולקללה ולחרפה ולא תראו עוד את המקום הזה׃

  24. יִרְמְיָהוּ מ״ד:ב׳

    כה אמר יהוה צבאות אלהי ישראל אתם ראיתם את כל הרעה אשר הבאתי על ירושלם ועל כל ערי יהודה והנם חרבה היום הזה ואין בהם יושב׃

  25. יִרְמְיָהוּ מ״ד:ו׳

    ותתך חמתי ואפי ותבער בערי יהודה ובחצות ירושלם ותהיינה לחרבה לשממה כיום הזה׃