Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. 2 מְלָכִים כ״א:ח׳

    ולא אסיף להניד רגל ישראל מן האדמה אשר נתתי לאבותם רק אם ישמרו לעשות ככל אשר צויתים ולכל התורה אשר צוה אתם עבדי משה׃

  2. 2 מְלָכִים כ״ג:כ״ה

    וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו׃

  3. 1 דִּבְרֵי הַיָּמִים ו׳:ג׳

    ובני עמרם אהרן ומשה ומרים ובני אהרן נדב ואביהוא אלעזר ואיתמר׃

  4. 1 דִּבְרֵי הַיָּמִים ו׳:מ״ט

    ואהרן ובניו מקטירים על מזבח העולה ועל מזבח הקטרת לכל מלאכת קדש הקדשים ולכפר על ישראל ככל אשר צוה משה עבד האלהים׃

  5. 1 דִּבְרֵי הַיָּמִים ט״ו:ט״ו

    וישאו בני הלוים את ארון האלהים כאשר צוה משה כדבר יהוה בכתפם במטות עליהם׃

  6. 1 דִּבְרֵי הַיָּמִים כ״א:כ״ט

    ומשכן יהוה אשר עשה משה במדבר ומזבח העולה בעת ההיא בבמה בגבעון׃

  7. 1 דִּבְרֵי הַיָּמִים כ״ב:י״ג

    אז תצליח אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת׃

  8. 1 דִּבְרֵי הַיָּמִים כ״ג:י״ג

    בני עמרם אהרן ומשה ויבדל אהרן להקדישו קדש קדשים הוא ובניו עד עולם להקטיר לפני יהוה לשרתו ולברך בשמו עד עולם׃

  9. 1 דִּבְרֵי הַיָּמִים כ״ג:י״ד

    ומשה איש האלהים בניו יקראו על שבט הלוי׃

  10. 1 דִּבְרֵי הַיָּמִים כ״ג:ט״ו

    בני משה גרשם ואליעזר׃

  11. 1 דִּבְרֵי הַיָּמִים כ״ו:כ״ד

    ושבאל בן גרשום בן משה נגיד על האצרות׃

  12. 2 דִּבְרֵי הַיָּמִים א׳:ג׳

    וילכו שלמה וכל הקהל עמו לבמה אשר בגבעון כי שם היה אהל מועד האלהים אשר עשה משה עבד יהוה במדבר׃

  13. 2 דִּבְרֵי הַיָּמִים ה׳:י׳

    אין בארון רק שני הלחות אשר נתן משה בחרב אשר כרת יהוה עם בני ישראל בצאתם ממצרים׃

  14. 2 דִּבְרֵי הַיָּמִים ח׳:י״ג

    ובדבר יום ביום להעלות כמצות משה לשבתות ולחדשים ולמועדות שלוש פעמים בשנה בחג המצות ובחג השבעות ובחג הסכות׃

  15. 2 דִּבְרֵי הַיָּמִים כ״ג:י״ח

    וישם יהוידע פקדת בית יהוה ביד הכהנים הלוים אשר חלק דויד על בית יהוה להעלות עלות יהוה ככתוב בתורת משה בשמחה ובשיר על ידי דויד׃

  16. 2 דִּבְרֵי הַיָּמִים כ״ד:ו׳

    ויקרא המלך ליהוידע הראש ויאמר לו מדוע לא דרשת על הלוים להביא מיהודה ומירושלם את משאת משה עבד יהוה והקהל לישראל לאהל העדות׃

  17. 2 דִּבְרֵי הַיָּמִים כ״ד:ט׳

    ויתנו קול ביהודה ובירושלם להביא ליהוה משאת משה עבד האלהים על ישראל במדבר׃

  18. 2 דִּבְרֵי הַיָּמִים כ״ה:ד׳

    ואת בניהם לא המית כי ככתוב בתורה בספר משה אשר צוה יהוה לאמר לא ימותו אבות על בנים ובנים לא ימותו על אבות כי איש בחטאו ימותו׃

  19. 2 דִּבְרֵי הַיָּמִים ל׳:ט״ז

    ויעמדו על עמדם כמשפטם כתורת משה איש האלהים הכהנים זרקים את הדם מיד הלוים׃

  20. 2 דִּבְרֵי הַיָּמִים ל״ג:ח׳

    ולא אוסיף להסיר את רגל ישראל מעל האדמה אשר העמדתי לאבתיכם רק אם ישמרו לעשות את כל אשר צויתים לכל התורה והחקים והמשפטים ביד משה׃

  21. 2 דִּבְרֵי הַיָּמִים ל״ד:י״ד

    ובהוציאם את הכסף המובא בית יהוה מצא חלקיהו הכהן את ספר תורת יהוה ביד משה׃

  22. 2 דִּבְרֵי הַיָּמִים ל״ה:ו׳

    ושחטו הפסח והתקדשו והכינו לאחיכם לעשות כדבר יהוה ביד משה׃

  23. 2 דִּבְרֵי הַיָּמִים ל״ה:י״ב

    ויסירו העלה לתתם למפלגות לבית אבות לבני העם להקריב ליהוה ככתוב בספר משה וכן לבקר׃

  24. עֶזְרָא ג׳:ב׳

    ויקם ישוע בן יוצדק ואחיו הכהנים וזרבבל בן שאלתיאל ואחיו ויבנו את מזבח אלהי ישראל להעלות עליו עלות ככתוב בתורת משה איש האלהים׃

  25. עֶזְרָא ו׳:י״ח

    והקימו כהניא בפלגתהון ולויא במחלקתהון על עבידת אלהא די בירושלם ככתב ספר משה׃