Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. יְהוֹשֻעַ ח׳:ל״ב

    ויכתב שם על האבנים את משנה תורת משה אשר כתב לפני בני ישראל׃

  2. יְהוֹשֻעַ ח׳:ל״ג

    וכל ישראל וזקניו ושטרים ושפטיו עמדים מזה ומזה לארון נגד הכהנים הלוים נשאי ארון ברית יהוה כגר כאזרח חציו אל מול הר גרזים והחציו אל מול הר עיבל כאשר צוה משה עבד יהוה לברך את העם ישראל בראשנה׃

  3. יְהוֹשֻעַ ח׳:ל״ה

    לא היה דבר מכל אשר צוה משה אשר לא קרא יהושע נגד כל קהל ישראל והנשים והטף והגר ההלך בקרבם׃

  4. יְהוֹשֻעַ ט׳:כ״ד

    ויענו את יהושע ויאמרו כי הגד הגד לעבדיך את אשר צוה יהוה אלהיך את משה עבדו לתת לכם את כל הארץ ולהשמיד את כל ישבי הארץ מפניכם ונירא מאד לנפשתינו מפניכם ונעשה את הדבר הזה׃

  5. יְהוֹשֻעַ י״א:י״ב

    ואת כל ערי המלכים האלה ואת כל מלכיהם לכד יהושע ויכם לפי חרב החרים אותם כאשר צוה משה עבד יהוה׃

  6. יְהוֹשֻעַ י״א:ט״ו

    כאשר צוה יהוה את משה עבדו כן צוה משה את יהושע וכן עשה יהושע לא הסיר דבר מכל אשר צוה יהוה את משה׃

  7. יְהוֹשֻעַ י״א:כ׳

    כי מאת יהוה היתה לחזק את לבם לקראת המלחמה את ישראל למען החרימם לבלתי היות להם תחנה כי למען השמידם כאשר צוה יהוה את משה׃

  8. יְהוֹשֻעַ י״א:כ״ג

    ויקח יהושע את כל הארץ ככל אשר דבר יהוה אל משה ויתנה יהושע לנחלה לישראל כמחלקתם לשבטיהם והארץ שקטה ממלחמה׃

  9. יְהוֹשֻעַ י״ב:ו׳

    משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה׃

  10. יְהוֹשֻעַ י״ג:ח׳

    עמו הראובני והגדי לקחו נחלתם אשר נתן להם משה בעבר הירדן מזרחה כאשר נתן להם משה עבד יהוה׃

  11. יְהוֹשֻעַ י״ג:י״ב

    כל ממלכות עוג בבשן אשר מלך בעשתרות ובאדרעי הוא נשאר מיתר הרפאים ויכם משה וירשם׃

  12. יְהוֹשֻעַ י״ג:ט״ו

    ויתן משה למטה בני ראובן למשפחתם׃

  13. יְהוֹשֻעַ י״ג:כ״א

    וכל ערי המישר וכל ממלכות סיחון מלך האמרי אשר מלך בחשבון אשר הכה משה אתו ואת נשיאי מדין את אוי ואת רקם ואת צור ואת חור ואת רבע נסיכי סיחון ישבי הארץ׃

  14. יְהוֹשֻעַ י״ג:כ״ד

    ויתן משה למטה גד לבני גד למשפחתם׃

  15. יְהוֹשֻעַ י״ג:כ״ט

    ויתן משה לחצי שבט מנשה ויהי לחצי מטה בני מנשה למשפחותם׃

  16. יְהוֹשֻעַ י״ג:ל״ב

    אלה אשר נחל משה בערבות מואב מעבר לירדן יריחו מזרחה׃

  17. יְהוֹשֻעַ י״ג:ל״ג

    ולשבט הלוי לא נתן משה נחלה יהוה אלהי ישראל הוא נחלתם כאשר דבר להם׃

  18. יְהוֹשֻעַ י״ד:ב׳

    בגורל נחלתם כאשר צוה יהוה ביד משה לתשעת המטות וחצי המטה׃

  19. יְהוֹשֻעַ י״ד:ג׳

    כי נתן משה נחלת שני המטות וחצי המטה מעבר לירדן וללוים לא נתן נחלה בתוכם׃

  20. יְהוֹשֻעַ י״ד:ה׳

    כאשר צוה יהוה את משה כן עשו בני ישראל ויחלקו את הארץ׃

  21. יְהוֹשֻעַ י״ד:ו׳

    ויגשו בני יהודה אל יהושע בגלגל ויאמר אליו כלב בן יפנה הקנזי אתה ידעת את הדבר אשר דבר יהוה אל משה איש האלהים על אדותי ועל אדותיך בקדש ברנע׃

  22. יְהוֹשֻעַ י״ד:ז׳

    בן ארבעים שנה אנכי בשלח משה עבד יהוה אתי מקדש ברנע לרגל את הארץ ואשב אתו דבר כאשר עם לבבי׃

  23. יְהוֹשֻעַ י״ד:ט׳

    וישבע משה ביום ההוא לאמר אם לא הארץ אשר דרכה רגלך בה לך תהיה לנחלה ולבניך עד עולם כי מלאת אחרי יהוה אלהי׃

  24. יְהוֹשֻעַ י״ד:י׳

    ועתה הנה החיה יהוה אותי כאשר דבר זה ארבעים וחמש שנה מאז דבר יהוה את הדבר הזה אל משה אשר הלך ישראל במדבר ועתה הנה אנכי היום בן חמש ושמונים שנה׃

  25. יְהוֹשֻעַ י״ד:י״א

    עודני היום חזק כאשר ביום שלח אותי משה ככחי אז וככחי עתה למלחמה ולצאת ולבוא׃