TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
ויוליכם מחוץ לעיר עד בית היני וישא את ידיו ויברכם׃
ויהי בברכו אתם ויפרד מאתם וינשא השמימה׃
והם השתחוו לו וישובו לירושלים בשמחה גדולה׃
¶ בראשית היה הדבר והדבר היה את האלהים ואלהים היה הדבר׃
הוא היה בראשית אצל האלהים׃
הכל נהיה על ידו ומבלעדיו לא נהיה כל אשר נהיה׃
בו היו חיים והחיים היו אור בני האדם׃
הוא בא לעדות להעיד על האור למען יאמינו כלם על ידו׃
הוא לא היה האור כי אם להעיד על האור׃
האור האמתי המאיר לכל אדם היה בא אל העולם׃
בעולם היה ועל ידו נהיה העולם והעולם לא הכירו׃
הוא בא אל אשר לו ואשר המה לו לא קבלהו׃
והמקבלים אתו נתן עז למו להיות בנים לאלהים המאמינים בשמו׃
והדבר נהיה בשר וישכן בתוכנו ונחזה תפארתו כתפארת בן יחיד לאביו רב חסד ואמת׃
ויוחנן מעיד עליו ויקרא לאמר הנה זה הוא אשר אמרתי עליו הבא אחרי היה לפני כי קדם לי היה׃
וממלואו לקחנו כלנו חסד על חסד׃
כי התורה נתנה ביד משה והחסד והאמת באו על ידי ישוע המשיח׃
את האלהים לא ראה איש מעולם הבן היחיד אשר בחיק האב הוא הודיע׃
ויודה ולא כחש ויודה לאמר אני אינני המשיח׃
ויאמר אני קול קורא במדבר פנו דרך יהוה כאשר דבר ישעיהו הנביא׃
וישאלהו ויאמרו אליו מדוע אפוא מטביל אתה אם אינך המשיח או אליה או הנביא׃
ויען אתם יוחנן ויאמר אנכי מטביל במים ובתוככם עומד אשר לא ידעתם אתו׃
ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃
זה הוא אשר אמרתי עליו אחרי יבא איש אשר היה לפני כי קדם לי היה׃
ואני לא ידעתיו כי אם בעבור יגלה בישראל באתי אני לטבל במים׃