Jesus

אבל בכל אלה גברנו מאד על ידי האהב אתנו׃

לא הרוח ולא העמק ולא כל בריה אחרת יוכלו להפרידנו מאהבת האלהים אשר היא במשיח ישוע אדנינו׃

¶ אמת אני מדבר במשיח ולא אשקף ודעתי מעידה לי ברוח הקדש׃

כי מי יתן היתי אני מחרם מן המשיח בעד אחי שארי ובשרי׃

ולהם האבות ואשר מהם יצא המשיח לפי בשרו אשר הוא אל על הכל מברך לעולמים אמן׃

כי למשה אמר וחנתי את אשר אחן ורחמתי את אשר ארחם׃

כי כן הכתוב אמר לפרעה בעבור זאת העמדתיך בעבור הראתך את כחי ולמען ספר שמי בכל הארץ׃

ויוצא מזה כי את אשר יחפץ יחננו ואת אשר יחפץ יקשהו׃

וכי תאמר אלי מדוע יוכיח עוד נגד רצונו מי יתיצב׃

להודיע גם את עשר כבודו על כלי החנינה אשר יעדם לכבוד׃

כדברו בהושע אקרא ללא עמי עמי וללא רחמה רחמה׃

והיה במקום אשר יאמר להם לא עמי אתם יאמר להם בני אל חי׃

וכאשר אמר ישעיהו לפנים לולי יהוה צבאות הותיר לנו שריד כמעט כסדם היינו לעמרה דמינו׃

ככתוב הנני יסד בציון אבן נגף וצור מכשול וכל המאמין בו לא יבוש׃

כי המשיח סוף התורה לצדקה לכל המאמין בו׃

והצדקה אשר מתוך האמונה כה אמרת אל תאמר בלבבך מי יעלה השמימה הלא זאת היא להוריד את המשיח׃

או מי ירד לתהום זאת היא להעלות את המשיח מן המתים׃

כי אם תודה בפיך אשר ישוע הוא האדון ותאמין בלבבך אשר האלהים העירו מן המתים אז תושע׃

כי הכתוב אמר כל המאמין בו לא יבוש׃

ואין הבדל בזה בין היהודי ליוני כי אדון אחד לכלם והוא עשיר לכל קראיו׃

כי כל אשר יקרא בשם יהוה ימלט׃

ועתה איך יקראו אל אשר לא האמינו בו ואיך יאמינו באשר לא שמעו את שמעו ואיך ישמעו באין מגיד׃

אך לא כלם שמעו לקול הבשורה כי ישעיהו אמר יהוה מי האמין לשמעתנו׃

וישעיהו מלאו לבו לאמר נמצאתי ללא בקשני נדרשתי ללוא שאלו׃

ועל ישראל הוא אמר פרשתי ידי כל היום אל עם סורר ומרה׃