עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ כ״ה:ג׳

    מן שלש עשרה שנה ליאשיהו בן אמון מלך יהודה ועד היום הזה זה שלש ועשרים שנה היה דבר יהוה אלי ואדבר אליכם אשכים ודבר ולא שמעתם׃

  2. יִרְמְיָהוּ כ״ה:ד׳

    ושלח יהוה אליכם את כל עבדיו הנבאים השכם ושלח ולא שמעתם ולא הטיתם את אזנכם לשמע׃

  3. יִרְמְיָהוּ כ״ה:ה׳

    לאמר שובו נא איש מדרכו הרעה ומרע מעלליכם ושבו על האדמה אשר נתן יהוה לכם ולאבותיכם למן עולם ועד עולם׃

  4. יִרְמְיָהוּ כ״ה:ו׳

    ואל תלכו אחרי אלהים אחרים לעבדם ולהשתחות להם ולא תכעיסו אותי במעשה ידיכם ולא ארע לכם׃

  5. יִרְמְיָהוּ כ״ה:ז׳

    ולא שמעתם אלי נאם יהוה למען הכעסוני במעשה ידיכם לרע לכם׃

  6. יִרְמְיָהוּ כ״ה:ח׳

    לכן כה אמר יהוה צבאות יען אשר לא שמעתם את דברי׃

  7. יִרְמְיָהוּ כ״ה:ט׳

    הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים ושמתים לשמה ולשרקה ולחרבות עולם׃

  8. יִרְמְיָהוּ כ״ה:י׳

    והאבדתי מהם קול ששון וקול שמחה קול חתן וקול כלה קול רחים ואור נר׃

  9. יִרְמְיָהוּ כ״ה:י״ב

    והיה כמלאות שבעים שנה אפקד על מלך בבל ועל הגוי ההוא נאם יהוה את עונם ועל ארץ כשדים ושמתי אתו לשממות עולם׃

  10. יִרְמְיָהוּ כ״ה:י״ג

    והבאיתי על הארץ ההיא את כל דברי אשר דברתי עליה את כל הכתוב בספר הזה אשר נבא ירמיהו על כל הגוים׃

  11. יִרְמְיָהוּ כ״ה:י״ד

    כי עבדו בם גם המה גוים רבים ומלכים גדולים ושלמתי להם כפעלם וכמעשה ידיהם׃

  12. יִרְמְיָהוּ כ״ה:ט״ו

    כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃

  13. יִרְמְיָהוּ כ״ה:ט״ז

    ושתו והתגעשו והתהללו מפני החרב אשר אנכי שלח בינתם׃

  14. יִרְמְיָהוּ כ״ה:י״ז

    ואקח את הכוס מיד יהוה ואשקה את כל הגוים אשר שלחני יהוה אליהם׃

  15. יִרְמְיָהוּ כ״ה:כ״ז

    ואמרת אליהם כה אמר יהוה צבאות אלהי ישראל שתו ושכרו וקיו ונפלו ולא תקומו מפני החרב אשר אנכי שלח ביניכם׃

  16. יִרְמְיָהוּ כ״ה:כ״ח

    והיה כי ימאנו לקחת הכוס מידך לשתות ואמרת אליהם כה אמר יהוה צבאות שתו תשתו׃

  17. יִרְמְיָהוּ כ״ה:כ״ט

    כי הנה בעיר אשר נקרא שמי עליה אנכי מחל להרע ואתם הנקה תנקו לא תנקו כי חרב אני קרא על כל ישבי הארץ נאם יהוה צבאות׃

  18. יִרְמְיָהוּ כ״ה:ל׳

    ואתה תנבא אליהם את כל הדברים האלה ואמרת אליהם יהוה ממרום ישאג וממעון קדשו יתן קולו שאג ישאג על נוהו הידד כדרכים יענה אל כל ישבי הארץ׃

  19. יִרְמְיָהוּ כ״ה:ל״א

    בא שאון עד קצה הארץ כי ריב ליהוה בגוים נשפט הוא לכל בשר הרשעים נתנם לחרב נאם יהוה׃

  20. יִרְמְיָהוּ כ״ה:ל״ב

    כה אמר יהוה צבאות הנה רעה יצאת מגוי אל גוי וסער גדול יעור מירכתי ארץ׃

  21. יִרְמְיָהוּ כ״ה:ל״ג

    והיו חללי יהוה ביום ההוא מקצה הארץ ועד קצה הארץ לא יספדו ולא יאספו ולא יקברו לדמן על פני האדמה יהיו׃

  22. יִרְמְיָהוּ כ״ה:ל״ו

    קול צעקת הרעים ויללת אדירי הצאן כי שדד יהוה את מרעיתם׃

  23. יִרְמְיָהוּ כ״ה:ל״ז

    ונדמו נאות השלום מפני חרון אף יהוה׃

  24. יִרְמְיָהוּ כ״ה:ל״ח

    עזב ככפיר סכו כי היתה ארצם לשמה מפני חרון היונה ומפני חרון אפו׃

  25. יִרְמְיָהוּ כ״ו:א׳

    ¶ בראשית ממלכות יהויקים בן יאשיהו מלך יהודה היה הדבר הזה מאת יהוה לאמר׃