עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ כ״ג:כ״ד

    אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה׃

  2. יִרְמְיָהוּ כ״ג:כ״ה

    שמעתי את אשר אמרו הנבאים הנבאים בשמי שקר לאמר חלמתי חלמתי׃

  3. יִרְמְיָהוּ כ״ג:כ״ז

    החשבים להשכיח את עמי שמי בחלומתם אשר יספרו איש לרעהו כאשר שכחו אבותם את שמי בבעל׃

  4. יִרְמְיָהוּ כ״ג:כ״ח

    הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה׃

  5. יִרְמְיָהוּ כ״ג:כ״ט

    הלוא כה דברי כאש נאם יהוה וכפטיש יפצץ סלע׃

  6. יִרְמְיָהוּ כ״ג:ל׳

    לכן הנני על הנבאים נאם יהוה מגנבי דברי איש מאת רעהו׃

  7. יִרְמְיָהוּ כ״ג:ל״א

    הנני על הנביאם נאם יהוה הלקחים לשונם וינאמו נאם׃

  8. יִרְמְיָהוּ כ״ג:ל״ב

    הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה נאם יהוה׃

  9. יִרְמְיָהוּ כ״ג:ל״ג

    וכי ישאלך העם הזה או הנביא או כהן לאמר מה משא יהוה ואמרת אליהם את מה משא ונטשתי אתכם נאם יהוה׃

  10. יִרְמְיָהוּ כ״ג:ל״ד

    והנביא והכהן והעם אשר יאמר משא יהוה ופקדתי על האיש ההוא ועל ביתו׃

  11. יִרְמְיָהוּ כ״ג:ל״ה

    כה תאמרו איש על רעהו ואיש אל אחיו מה ענה יהוה ומה דבר יהוה׃

  12. יִרְמְיָהוּ כ״ג:ל״ו

    ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינו׃

  13. יִרְמְיָהוּ כ״ג:ל״ז

    כה תאמר אל הנביא מה ענך יהוה ומה דבר יהוה׃

  14. יִרְמְיָהוּ כ״ג:ל״ח

    ואם משא יהוה תאמרו לכן כה אמר יהוה יען אמרכם את הדבר הזה משא יהוה ואשלח אליכם לאמר לא תאמרו משא יהוה׃

  15. יִרְמְיָהוּ כ״ג:ל״ט

    לכן הנני ונשיתי אתכם נשא ונטשתי אתכם ואת העיר אשר נתתי לכם ולאבותיכם מעל פני׃

  16. יִרְמְיָהוּ כ״ג:מ׳

    ונתתי עליכם חרפת עולם וכלמות עולם אשר לא תשכח׃

  17. יִרְמְיָהוּ כ״ד:א׳

    ¶ הראני יהוה והנה שני דודאי תאנים מועדים לפני היכל יהוה אחרי הגלות נבוכדראצר מלך בבל את יכניהו בן יהויקים מלך יהודה ואת שרי יהודה ואת החרש ואת המסגר מירושלם ויבאם בבל׃

  18. יִרְמְיָהוּ כ״ד:ג׳

    ויאמר יהוה אלי מה אתה ראה ירמיהו ואמר תאנים התאנים הטבות טבות מאד והרעות רעות מאד אשר לא תאכלנה מרע׃

  19. יִרְמְיָהוּ כ״ד:ד׳

    ויהי דבר יהוה אלי לאמר׃

  20. יִרְמְיָהוּ כ״ד:ה׳

    כה אמר יהוה אלהי ישראל כתאנים הטבות האלה כן אכיר את גלות יהודה אשר שלחתי מן המקום הזה ארץ כשדים לטובה׃

  21. יִרְמְיָהוּ כ״ד:ו׳

    ושמתי עיני עליהם לטובה והשבתים על הארץ הזאת ובניתים ולא אהרס ונטעתים ולא אתוש׃

  22. יִרְמְיָהוּ כ״ד:ז׳

    ונתתי להם לב לדעת אתי כי אני יהוה והיו לי לעם ואנכי אהיה להם לאלהים כי ישבו אלי בכל לבם׃

  23. יִרְמְיָהוּ כ״ד:ח׳

    וכתאנים הרעות אשר לא תאכלנה מרע כי כה אמר יהוה כן אתן את צדקיהו מלך יהודה ואת שריו ואת שארית ירושלם הנשארים בארץ הזאת והישבים בארץ מצרים׃

  24. יִרְמְיָהוּ כ״ד:ט׳

    ונתתים לזועה לרעה לכל ממלכות הארץ לחרפה ולמשל לשנינה ולקללה בכל המקמות אשר אדיחם שם׃

  25. יִרְמְיָהוּ כ״ד:י׳

    ושלחתי בם את החרב את הרעב ואת הדבר עד תמם מעל האדמה אשר נתתי להם ולאבותיהם׃