עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ כ״א:ד׳

    כה אמר יהוה אלהי ישראל הנני מסב את כלי המלחמה אשר בידכם אשר אתם נלחמים בם את מלך בבל ואת הכשדים הצרים עליכם מחוץ לחומה ואספתי אותם אל תוך העיר הזאת׃

  2. יִרְמְיָהוּ כ״א:ה׳

    ונלחמתי אני אתכם ביד נטויה ובזרוע חזקה ובאף ובחמה ובקצף גדול׃

  3. יִרְמְיָהוּ כ״א:ו׳

    והכיתי את יושבי העיר הזאת ואת האדם ואת הבהמה בדבר גדול ימתו׃

  4. יִרְמְיָהוּ כ״א:ז׳

    ואחרי כן נאם יהוה אתן את צדקיהו מלך יהודה ואת עבדיו ואת העם ואת הנשארים בעיר הזאת מן הדבר מן החרב ומן הרעב ביד נבוכדראצר מלך בבל וביד איביהם וביד מבקשי נפשם והכם לפי חרב לא יחוס עליהם ולא יחמל ולא ירחם׃

  5. יִרְמְיָהוּ כ״א:ח׳

    ואל העם הזה תאמר כה אמר יהוה הנני נתן לפניכם את דרך החיים ואת דרך המות׃

  6. יִרְמְיָהוּ כ״א:י׳

    כי שמתי פני בעיר הזאת לרעה ולא לטובה נאם יהוה ביד מלך בבל תנתן ושרפה באש׃

  7. יִרְמְיָהוּ כ״א:י״א

    ולבית מלך יהודה שמעו דבר יהוה׃

  8. יִרְמְיָהוּ כ״א:י״ב

    בית דוד כה אמר יהוה דינו לבקר משפט והצילו גזול מיד עושק פן תצא כאש חמתי ובערה ואין מכבה מפני רע מעלליהם׃

  9. יִרְמְיָהוּ כ״א:י״ג

    הנני אליך ישבת העמק צור המישר נאם יהוה האמרים מי יחת עלינו ומי יבוא במעונותינו׃

  10. יִרְמְיָהוּ כ״א:י״ד

    ופקדתי עליכם כפרי מעלליכם נאם יהוה והצתי אש ביערה ואכלה כל סביביה׃

  11. יִרְמְיָהוּ כ״ב:א׳

    ¶ כה אמר יהוה רד בית מלך יהודה ודברת שם את הדבר הזה׃

  12. יִרְמְיָהוּ כ״ב:ב׳

    ואמרת שמע דבר יהוה מלך יהודה הישב על כסא דוד אתה ועבדיך ועמך הבאים בשערים האלה׃

  13. יִרְמְיָהוּ כ״ב:ג׳

    כה אמר יהוה עשו משפט וצדקה והצילו גזול מיד עשוק וגר יתום ואלמנה אל תנו אל תחמסו ודם נקי אל תשפכו במקום הזה׃

  14. יִרְמְיָהוּ כ״ב:ה׳

    ואם לא תשמעו את הדברים האלה בי נשבעתי נאם יהוה כי לחרבה יהיה הבית הזה׃

  15. יִרְמְיָהוּ כ״ב:ו׳

    כי כה אמר יהוה על בית מלך יהודה גלעד אתה לי ראש הלבנון אם לא אשיתך מדבר ערים לא נושבה׃

  16. יִרְמְיָהוּ כ״ב:ז׳

    וקדשתי עליך משחתים איש וכליו וכרתו מבחר ארזיך והפילו על האש׃

  17. יִרְמְיָהוּ כ״ב:ח׳

    ועברו גוים רבים על העיר הזאת ואמרו איש אל רעהו על מה עשה יהוה ככה לעיר הגדולה הזאת׃

  18. יִרְמְיָהוּ כ״ב:ט׳

    ואמרו על אשר עזבו את ברית יהוה אלהיהם וישתחוו לאלהים אחרים ויעבדום׃

  19. יִרְמְיָהוּ כ״ב:י״א

    כי כה אמר יהוה אל שלם בן יאשיהו מלך יהודה המלך תחת יאשיהו אביו אשר יצא מן המקום הזה לא ישוב שם עוד׃

  20. יִרְמְיָהוּ כ״ב:י״ד

    האמר אבנה לי בית מדות ועליות מרוחים וקרע לו חלוני וספון בארז ומשוח בששר׃

  21. יִרְמְיָהוּ כ״ב:ט״ז

    דן דין עני ואביון אז טוב הלוא היא הדעת אתי נאם יהוה׃

  22. יִרְמְיָהוּ כ״ב:י״ח

    לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה׃

  23. יִרְמְיָהוּ כ״ב:כ״א

    דברתי אליך בשלותיך אמרת לא אשמע זה דרכך מנעוריך כי לא שמעת בקולי׃

  24. יִרְמְיָהוּ כ״ב:כ״ד

    חי אני נאם יהוה כי אם יהיה כניהו בן יהויקים מלך יהודה חותם על יד ימיני כי משם אתקנך׃

  25. יִרְמְיָהוּ כ״ב:כ״ה

    ונתתיך ביד מבקשי נפשך וביד אשר אתה יגור מפניהם וביד נבוכדראצר מלך בבל וביד הכשדים׃