God

יהוה אדני עז ישועתי סכתה לראשי ביום נשק׃

אל תתן יהוה מאויי רשע זממו אל תפק ירומו סלה׃

ידעת כי יעשה יהוה דין עני משפט אבינים׃

אך צדיקים יודו לשמך ישבו ישרים את פניך׃

¶ מזמור לדוד יהוה קראתיך חושה לי האזינה קולי בקראי לך׃

תכון תפלתי קטרת לפניך משאת כפי מנחת ערב׃

שיתה יהוה שמרה לפי נצרה על דל שפתי׃

כי אליך יהוה אדני עיני בכה חסיתי אל תער נפשי׃

¶ משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

אשפך לפניו שיחי צרתי לפניו אגיד׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

זעקתי אליך יהוה אמרתי אתה מחסי חלקי בארץ החיים׃

הוציאה ממסגר נפשי להודות את שמך בי יכתרו צדיקים כי תגמל עלי׃

¶ מזמור לדוד יהוה שמע תפלתי האזינה אל תחנוני באמנתך ענני בצדקתך׃

ואל תבוא במשפט את עבדך כי לא יצדק לפניך כל חי׃

זכרתי ימים מקדם הגיתי בכל פעלך במעשה ידיך אשוחח׃

פרשתי ידי אליך נפשי כארץ עיפה לך סלה׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

הצילני מאיבי יהוה אליך כסתי׃

למדני לעשות רצונך כי אתה אלוהי רוחך טובה תנחני בארץ מישור׃

למען שמך יהוה תחיני בצדקתך תוציא מצרה נפשי׃

ובחסדך תצמית איבי והאבדת כל צררי נפשי כי אני עבדך׃

¶ לדוד ברוך יהוה צורי המלמד ידי לקרב אצבעותי למלחמה׃

חסדי ומצודתי משגבי ומפלטי לי מגני ובו חסיתי הרודד עמי תחתי׃