God

יהוה מה אדם ותדעהו בן אנוש ותחשבהו׃

יהוה הט שמיך ותרד גע בהרים ויעשנו׃

ברוק ברק ותפיצם שלח חציך ותהמם׃

שלח ידיך ממרום פצני והצילני ממים רבים מיד בני נכר׃

אלהים שיר חדש אשירה לך בנבל עשור אזמרה לך׃

הנותן תשועה למלכים הפוצה את דוד עבדו מחרב רעה׃

אשרי העם שככה לו אשרי העם שיהוה אלהיו׃

¶ תהלה לדוד ארוממך אלוהי המלך ואברכה שמך לעולם ועד׃

בכל יום אברכך ואהללה שמך לעולם ועד׃

גדול יהוה ומהלל מאד ולגדלתו אין חקר׃

דור לדור ישבח מעשיך וגבורתיך יגידו׃

הדר כבוד הודך ודברי נפלאותיך אשיחה׃

ועזוז נוראתיך יאמרו וגדולתיך אספרנה׃

זכר רב טובך יביעו וצדקתך ירננו׃

חנון ורחום יהוה ארך אפים וגדל חסד׃

טוב יהוה לכל ורחמיו על כל מעשיו׃

יודוך יהוה כל מעשיך וחסידיך יברכוכה׃

כבוד מלכותך יאמרו וגבורתך ידברו׃

להודיע לבני האדם גבורתיו וכבוד הדר מלכותו׃

מלכותך מלכות כל עלמים וממשלתך בכל דור ודור׃

סומך יהוה לכל הנפלים וזוקף לכל הכפופים׃

עיני כל אליך ישברו ואתה נותן להם את אכלם בעתו׃

פותח את ידך ומשביע לכל חי רצון׃

צדיק יהוה בכל דרכיו וחסיד בכל מעשיו׃

קרוב יהוה לכל קראיו לכל אשר יקראהו באמת׃