God

לא עשה כן לכל גוי ומשפטים בל ידעום הללו יה׃

¶ הללו יה הללו את יהוה מן השמים הללוהו במרומים׃

הללוהו כל מלאכיו הללוהו כל צבאו׃

הללוהו שמש וירח הללוהו כל כוכבי אור׃

הללוהו שמי השמים והמים אשר מעל השמים׃

יהללו את שם יהוה כי הוא צוה ונבראו׃

ויעמידם לעד לעולם חק נתן ולא יעבור׃

הללו את יהוה מן הארץ תנינים וכל תהמות׃

אש וברד שלג וקיטור רוח סערה עשה דברו׃

יהללו את שם יהוה כי נשגב שמו לבדו הודו על ארץ ושמים׃

וירם קרן לעמו תהלה לכל חסידיו לבני ישראל עם קרבו הללו יה׃

¶ הללו יה שירו ליהוה שיר חדש תהלתו בקהל חסידים׃

ישמח ישראל בעשיו בני ציון יגילו במלכם׃

יהללו שמו במחול בתף וכנור יזמרו לו׃

כי רוצה יהוה בעמו יפאר ענוים בישועה׃

רוממות אל בגרונם וחרב פיפיות בידם׃

לעשות בהם משפט כתוב הדר הוא לכל חסידיו הללו יה׃

¶ הללו יה הללו אל בקדשו הללוהו ברקיע עזו׃

הללוהו בגבורתיו הללוהו כרב גדלו׃

הללוהו בתקע שופר הללוהו בנבל וכנור׃

הללוהו בתף ומחול הללוהו במנים ועוגב׃

הללוהו בצלצלי שמע הללוהו בצלצלי תרועה׃

כל הנשמה תהלל יה הללו יה׃

יראת יהוה ראשית דעת חכמה ומוסר אוילים בזו׃

תשובו לתוכחתי הנה אביעה לכם רוחי אודיעה דברי אתכם׃