God

וישירו בדרכי יהוה כי גדול כבוד יהוה׃

כי רם יהוה ושפל יראה וגבה ממרחק יידע׃

אם אלך בקרב צרה תחיני על אף איבי תשלח ידך ותושיעני ימינך׃

יהוה יגמר בעדי יהוה חסדך לעולם מעשי ידיך אל תרף׃

¶ למנצח לדוד מזמור יהוה חקרתני ותדע׃

אתה ידעת שבתי וקומי בנתה לרעי מרחוק׃

כי אין מלה בלשוני הן יהוה ידעת כלה׃

אחור וקדם צרתני ותשת עלי כפכה׃

אנה אלך מרוחך ואנה מפניך אברח׃

אם אסק שמים שם אתה ואציעה שאול הנך׃

גם שם ידך תנחני ותאחזני ימינך׃

גם חשך לא יחשיך ממך ולילה כיום יאיר כחשיכה כאורה׃

כי אתה קנית כליתי תסכני בבטן אמי׃

אודך על כי נוראות נפליתי נפלאים מעשיך ונפשי ידעת מאד׃

לא נכחד עצמי ממך אשר עשיתי בסתר רקמתי בתחתיות ארץ׃

גלמי ראו עיניך ועל ספרך כלם יכתבו ימים יצרו ולא אחד בהם׃

ולי מה יקרו רעיך אל מה עצמו ראשיהם׃

אספרם מחול ירבון הקיצתי ועודי עמך׃

אם תקטל אלוה רשע ואנשי דמים סורו מני׃

אשר יאמרך למזמה נשא לשוא עריך׃

הלוא משנאיך יהוה אשנא ובתקוממיך אתקוטט׃

חקרני אל ודע לבבי בחנני ודע שרעפי׃

¶ למנצח מזמור לדוד חלצני יהוה מאדם רע מאיש חמסים תנצרני׃

שמרני יהוה מידי רשע מאיש חמסים תנצרני אשר חשבו לדחות פעמי׃

אמרתי ליהוה אלי אתה האזינה יהוה קול תחנוני׃