Shqip

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 vargje · 4 libra të përfshirë

Vargje nga kjo periudhë

Rendi i Shkrimit Sipas datës
Filtro sipas librit
  1. Gjoni 4:39rreth 30 e.s.

    Dhe shumë Samaritanë nga ai qytet besuan në të, për shkak të fjalës së gruas që dëshmoi: ''Ai më tregoi gjithçka kam bërë''.

  2. Gjoni 4:40rreth 30 e.s.

    Por kur Samaritanët erdhën tek ai, e lutën të qëndrojë me ta; dhe ai ndenji aty dy ditë.

  3. Gjoni 4:41rreth 30 e.s.

    Dhe shumë më tepër njerëz besuan për shkak të fjalës së tij.

  4. Gjoni 4:42rreth 30 e.s.

    Dhe ata i thoshnin gruas: ''S'është më vetëm për shkak të fjalëve të tua që besojmë, por sepse ne vetë e kemi dëgjuar dhe dimë se ai është me të vërtetë Krishti, Shpëtimtari i botës''.

  5. Gjoni 4:43rreth 30 e.s.

    Pra, si kaluan ato dy ditë, ai u nis prej andej dhe shkoi në Galile,

  6. Gjoni 4:44rreth 30 e.s.

    sepse vetë Jezusi dëshmoi se një profet nuk nderohet në vendlindjen e vet.

  7. Gjoni 4:45rreth 30 e.s.

    Pra, kur arriti në Galile, Galileasit e pritën, sepse kishin parë të gjitha ato që kishte bërë në Jeruzalem gjatë festës, sepse edhe ata kishin shkuar për festë.

  8. Gjoni 4:46rreth 30 e.s.

    Jezusi erdhi, pra, përsëri në Kanë të Galilesë, ku e kishte bërë ujin verë. Dhe aty ishte një nëpunës i mbretit, djali i të cilit ishte i sëmurë në Kapernaum.

  9. Gjoni 4:47rreth 30 e.s.

    Ky, kur dëgjoi se Jezusi kishte ardhur nga Judeja në Galile, shkoi tek ai dhe iu lut që të zbriste e ta shëronte birin e tij, që ishte gati për vdekje.

  10. Gjoni 4:48rreth 30 e.s.

    Atëherë Jezusi i tha: ''Po të mos shikoni shenja dhe mrekulli, ju nuk besoni''.

  11. Gjoni 4:49rreth 30 e.s.

    Nëpunësi i mbretit i tha: ''Zot, zbrit para se djali im të vdesë''.

  12. Gjoni 4:50rreth 30 e.s.

    Jezusi i tha: ''Shko, djali yt jeton!''. Dhe ai njeri i besoi fjalës që i tha Jezusi dhe shkoi.

  13. Gjoni 4:51rreth 30 e.s.

    Pikërisht kur ai po zbriste, i dolën përpara shërbëtorët e vet dhe e informuan duke thënë: ''Djali yt jeton!''.

  14. Gjoni 4:52rreth 30 e.s.

    Dhe ai i pyeti ata në cilën orë u bë më mirë; ata i thanë: ''Dje në orën e shtatë e lanë ethet''.

  15. Gjoni 4:53rreth 30 e.s.

    Atëherë i ati e kuptoi se ishte pikërisht në atë orë në të cilën Jezusi i kishte thënë: ''Djali yt jeton''; dhe besoi ai dhe gjithë shtëpia e tij.

  16. Gjoni 4:54rreth 30 e.s.

    Jezusi bëri edhe këtë shenjë të dytë, kur u kthye nga Judeja në Galile.

  17. Gjoni 5:1rreth 31 e.s.

    Pas këtyre ngjarjeve ishte një festë e Judenjve dhe Jezusi u ngjit në Jeruzalem.

  18. Gjoni 5:2rreth 31 e.s.

    Në Jeruzalem, afër portës së dhenve, është një pellg që në hebraisht quhet Betesda, dhe ka pesë portikë.

  19. Gjoni 5:3rreth 31 e.s.

    Nën to dergjeshin një numër i madh të lënguarish: të verbër, të çalë dhe të paralizuar, të cilët prisnin lëvizjen e ujit.

  20. Gjoni 5:4rreth 31 e.s.

    Sepse një engjëll, kohë pas kohe, zbriste në pellg dhe e lëvizte ujin; dhe i pari që hynte, mbasi uji ishte lëvizur, shërohej nga çfarëdo sëmundje që të kishte.

  21. Gjoni 5:5rreth 31 e.s.

    Aty ishte një njeri i lënguar prej tridhjetë e tetë vjetësh.

  22. Gjoni 5:6rreth 31 e.s.

    Jezusi, duke e parë shtrirë dhe duke ditur se prej shumë kohe ishte në atë gjendje, i tha: ''A dëshiron të shërohesh?''.

  23. Gjoni 5:7rreth 31 e.s.

    I lënguari u përgjigj: "Zot, unë s'kam njeri që, kur lëviz uji, të më fusë në pellg; dhe, ndërsa unë po shkoj, një tjetër zbret para meje''.

  24. Gjoni 5:8rreth 31 e.s.

    Jezusi i tha: ''Çohu, merr vigun tënd dhe ec!''.

  25. Gjoni 5:9rreth 31 e.s.

    Njeriu u shërua në çast, mori vigun e tij dhe eci. Atë ditë ishte e shtunë.