God

ते जे पाडतात, ते पुन्हा बांधता येत नाही; ते ज्याला बंदिवासात पकडतात, त्याला सुटका नाही.

परमेश्वराने जर पाऊस रोखून धरला, तर दुष्काळ पडतो; आणि त्याला मोकळे सोडले, तर पृथ्वी उद्ध्वस्त होते.

पराक्रम आणि शहाणपण ही त्यांची आहेत; फसणारे आणि फसविणारे दोन्हीही त्यांचेच आहेत.

ते राष्ट्रांना महान करतात आणि त्याचा नाशही करतात; ते राष्ट्रे विस्तृत करतात आणि त्यांचा नायनाट करतात.

ते अंधारात प्रकाशाविना चाचपडतात; त्यांना मद्यपीसारखे लटपटण्यास लावतात.

पण मी सर्वसमर्थाशी बोलावे आणि माझा वाद परमेश्वरासमोर मांडावा असे मी इच्छितो.

परमेश्वराच्या वतीने तुम्ही दुष्टतेने बोलणार का? त्यांच्याकरिता तुम्ही कपटाचे भाषण कराल का?

तुम्ही त्यांना पक्षपात दाखविणार का? परमेश्वराच्या वतीने त्यांचा वाद तुम्ही कराल काय?

त्यांनी जर तुमची परीक्षा केली तर चांगले होईल काय? जसे मनुष्याला तसे तुम्ही परमेश्वरालाही फसवू शकाल काय?

त्यांचे वैभव तुम्हाला भयभीत करीत नाही का? त्यांचे भय तुम्हावर पडणार नाही का?

जरी परमेश्वराने मला मारून टाकले, तरीही मी त्यांच्यावर आशा ठेवेन; व खचितच त्यांच्यासमोर मी माझ्या मार्गाचे समर्थन करेन.

खचितच ह्यातच माझी खरी मुक्ती आहे, कारण कोणी देवहीन व्यक्ती त्यांच्यासमोर येण्याचे धाडस करणार नाही!

“हे परमेश्वरा, मला या दोन गोष्टी द्या, आणि मग मी तुमच्यापासून लपणार नाही:

माझ्यावरील आपला हात दूर करा, आणि तुमच्या धाकाने मला आणखी घाबरवू नका.

मला आवाज द्या आणि मी उत्तर देईन, किंवा मी बोलेन आणि तुम्ही मला उत्तर द्या.

तुम्ही आपले मुख का लपविता आणि मला आपला शत्रू का मानता?

वार्‍याने उडून जाणार्‍या पानाला तुम्ही छळणार का? कोरड्या भुशाचा तुम्ही पाठलाग करणार का?

कारण माझ्याविरुद्ध तुम्ही कटुत्वाच्या गोष्टी लिहिता, आणि माझ्या तारुण्यातील पातकांची शिक्षा मला देता.

तुम्ही माझ्या पायात बेड्या घालता; माझ्या पायांच्या तळव्यांना चिन्ह करून माझ्या सर्व मार्गावर तुम्ही लक्ष ठेवले आहे.

अशा मानवांवर तुम्ही आपली नजर लावता का? त्यांचा न्याय करण्यासाठी त्यांना आपल्या उपस्थितीत आणणार का?

मानवाचे दिवस ठरलेले आहेत; त्याच्या महिन्यांची संख्या तुमच्या स्वाधीन आहे आणि त्याची नेमलेली मर्यादा त्याला ओलांडता येत नाही.

“तुम्ही केवळ मला कबरेमध्ये लपविले असते तुमचा क्रोध संपेपर्यंत मला गुप्त ठेवले असते! आपण माझ्यासाठी समय नेमून ठेवावा आणि मग माझी आठवण करावी!

मग तुम्ही मला आवाज द्याल आणि मी तुम्हाला उत्तर देईन; आपली हस्तकृती पुन्हा पाहावी असे तुम्हाला वाटेल.

तेव्हा खचित आपण माझ्या पापांची नाही, तर माझ्या पावलांची मोजणी कराल.

तुम्ही माझे अपराध एका थैलीत बंद करून; माझ्या पापांवर पांघरूण घालाल.